آئی سی سی مینز کرکٹ ورلڈ کپ ٹورنامنٹ کی میزبانی اس بار بھارت کے حصے میں آئی ہے جبکہ ون ڈے کرکٹ فارمیٹ کا یہ عالمی ٹورنامنٹ ہر چار سال کے بعد کھیلا جاتا ہے۔ 2023 کے آئی سی سی مینز ورلڈ کپ میں دنیائے کرکٹ کی 10 ٹیمیں ٹائٹل کے حصول کے لئے ایک دوسرے کے خلاف پنجہ آزمائی کریں گی، جس کا آغاز 5 اکتوبر سے ہوگا اور 19 نومبر کو اختتام ہوگا۔
کرکٹ ورلڈ کپ کے آغاز سے قبل ہی جہاں ٹیموں کا بھارت میں استقبال سماجی رابطوں کی و یب سائٹس پر زیر بحث ہے وہیں سب سے زیادہ توجہ پاکستان کرکٹ ٹیم سے جڑی ہر خبر کو ملتی ہے، سوشل میڈیا صارفین نے خصوصا پاکستان کرکٹ ٹیم جو اس وقت بھارت میں موجود ہے سے جڑی ہر خبر پر نظر رکھتے ہوئے سماجی رابطوں کی ویب سائٹس پر ایک طوفان برپا کیا ہوا ہے ، قومی ٹیم کے مینیو سے لے کر ان کے لیے کیے گئے انتظامات پر خوب تبصرے کیے جا رہے ہیں۔
بھارتی کرکٹ بورڈ کو دنیا کے کچھ امیر ترین کرکٹ بورڈز میں سے ایک تصور کیا جاتا ہے یہی وجہ ہے صارفین کا ماننا ہے کہ کرکٹ کی دنیا میں ان کی ایک اجارہ داری ہے۔ حال ہی میں کرکٹ ورلڈ کپ کے لیے کیے گئے انتظامات اور کرکٹ اسٹیڈیمز کی خراب حالت پر بھارتی کرکٹ بورڈ کو خوب تنقید کا نشانہ بھی بنایا جا رہا ہے۔
حیدر آباد کے راجیو گاندھی کرکٹ اسٹیڈیم میں آج ہونے والے پاکستان اور آسٹریلیا کے وارم اپ میچ سے ایک تصویر وائرل ہو رہی ہے جس میں دیکھا جاسکتا ہے کہ کرکٹ اسٹیڈیم میں موجود کرسیوں کی حالت انتہائی خراب ہے اور صفائی کے انتہائی ناقص انتظامات کیے گئے ہیں۔
تصویر وائرل ہوئی تو صارفین نے بی سی سی آئی کو خوب آڑے ہاتھوں لیا ، صارف اکاشہ جدون نے تصویر پوسٹ کرتے ہوئے لکھا ، یہ ہے حیدر آباد کرکٹ اسٹیڈیم ، امیر ترین کرکٹ بورڈ
https://twitter.com/_okasha_jadoon_/status/1709197070681182673?t=KhqH-9k0RU8B03qhrrwCgg&s=08
تصویر وائرل ہوئی تو بھارتی کرکٹ شائقین کی جانب سے یہ موقف اپنایا گیا کہ یہ تصویر پرانی یا ایڈٹ شدہ ہے ، اسی تبصرے کا جواب دیتے ہوئے ایک صارف نے تصویر پوسٹ کی جس میں ان کرسیوں کے سامنے پاکستان اور آسٹریلیا کے درمیان ہونے والے وارم اپ میچز کا ٹکٹ بھی موجود ہے، انہوں نے لکھا یہ ان لوگوں کے لیے ہے، جنہوں نے کہا کہ میں نے پرانی یا جعلی تصویر پوسٹ کی ہے۔ میں وہیں موجود ہوں۔
This is for those, who said I had posted an old or fake pic. I’m very present at the ground. pic.twitter.com/klMfNCM6VM
— C.VENKATESH (@C4CRICVENKATESH) October 3, 2023
ایک اور صارف نے تبصرہ کرتے ہوئے لکھا شیڈول میں تاخیر، اعلان کے بعد شیڈول میں متعدد تبدیلیاں، میچ کے ٹکٹوں کی ناکامی، ویزوں میں تاخیر،وارم اپ میچ بند دروازوں کے پیچھے سیکورٹی کی کمی،افتتاحی تقریب نہیں، اسٹیڈیم میں نشستوں کی خراب حالت- یہ بی سی سی آئی کی میزبانی میں ہونے والا کرکٹ ورلڈ کپ ہے۔
Delay in schedule,multiple changes schedule after announcement,match tickets fiasco,delay in visas,
warmup match behind closed doors due to lack of security,wet venues for warmup matches,
no opening ceremony,poor state of seats in stadium-this is BCCI's hosted Cricket World Cup— Zohaib Khan (@zohaib_kha69505) October 3, 2023
صفائی کے ناقص انتظامات کے حوالے سے تبصرہ کرتے ہوئے ایک صارف نے لکھا کیا یہ پاکستان کرکٹ شائقین کو بدنام کرنا تھا یا امیر ترین بورڈ اسٹیڈیم کی صفائی کا خیال نہیں رکھ سکتا؟
Was this Intentional to Disgrace Pakistan Cricket Fans or the Richest Board Cannot Afford to Clean the Stadium.???#CWC23#PAKvsAUS pic.twitter.com/FnxB8Ap5tH
— Cricketology (@Cricketolgy) October 3, 2023
ایک اور صارف نے لکھا حیدرآباد میں پاکستان بمقابلہ آسٹریلیا کے لیے اسٹیڈیم کے اندر نشستوں کی حالت حد ہے ویسے بی سی سی آئی ، یہ ایک عالمی ایونٹ تھا۔
The state of seats inside the stadium for Pakistan vs Australia in Hyderabad 🤦🏼♂️🤦🏼♂️
Hadh hay wese, BCCI walo. It's a global event 🙏🏼🙏🏼– via C Venkatesh #WorldCup2023 #CWC23 #Cricket #PAKvAUS #AUSvPAK pic.twitter.com/Vg1opTvbK3
— Leo (@iamleo825) October 3, 2023
صارفین کا کہنا تھا کہ ہمیں لگا کہ اسٹیڈیمز کا ایسا حال صرف پاکستان میں ہوتا ہے لیکن بھارت میں بھی صورتحال کچھ مختلف نہیں ہے، اس خطے میں کب عام آدمی کو عزت ملے گی؟