خیبرپختونخوا سمیت ملک بھر میں لاکھوں کی تعداد میں افغان مہاجرین مقیم ہیں ان میں سے کتنے افغان مہاجرین لیگل ہیں ان سے متعلق سرکاری طور پر اعداد و شمار جاری کر دیے گئے ہیں۔ اور جلد ہی پاکستان میں افغان مہاجرین کے کاروبار اور جائیداد کی جانچ پڑتال کا عمل بھی مکمل کر لیا جائے گا۔
سرکاری دستاویزات کے مطابق خیبرپختونخوا میں 6 لاکھ 48 ہزار 968 مہاجرین قانونی طور پر موجود ہیں، جن میں سے 22 ہزار مہاجرین قبائلی اضلاع میں جبکہ دیگر بندوبستی اضلاع میں 2 لاکھ 85 ہزار 608 افغان مہاجرین مقیم ہیں۔
اعداد و شمار کے مطابق ملک بھر میں 6 لاکھ 48 ہزار 968 افغان مہاجرین کے پاس (پروف آف ریجسٹریشن) پی او آر موجود ہے، صوبے کے مساجد میں 105 افغان مہاجرین بطور پیش امام موجود ہیں۔
مزید پڑھیں
سرکاری دستاویزات کے مطابق رواں سال اب تک 3 ہزار 911 افغان مہاجرین کو مختلف وارداتوں میں گرفتار کیا جاچکا ہے، جن میں 597 افغان مہاجرین نے غیر قانونی طور پر پاکستان کا قومی شناختی کارڈ بنایا تھا۔
سرکاری دستاویزات کے مطابق وفاقی اور صوبائی سطح پر ٹاسک فورس قائم کرکے تمام افغان مہاجرین کا ڈیٹا جمع کرنے کا فیصلہ کیا گیا ہے، غیر قانونی طور پر بنائے گئے پاکستانی کارڈز کو فل الفور منسوخ کرنے کی بھی ہدایت جاری کی گئی ہے۔
حکام کے مطابق غیر قانونی طور پر مقیم افغان مہاجرین کی اطلاع کے لیے جلد ٹول فری نمبر کا قیام عمل میں لایا جائے گا، اور پاکستان میں افغان مہاجرین کے کاروبار اور جائیداد کی جانچ پڑتال کا عمل بھی جلد مکمل کر لیا جائے گا۔