پاکستان تحریک انصاف (پی ٹی آئی) کے سابق ممبر صوبائی اسمبلی ملک سرفراز کھوکھر نے پارٹی چھوڑنے کا اور سیاست میں فی الوقت بریک لینے کا اعلان کیا ہے۔
اپنے ایک بیان میں ملک سرفراز کھوکھر نے کہا کہ 9 مئی کے واقعات کی مذمت کرتا ہوں، اپنی صحت کے باعث ابھی سیاست بھی نہیں کروں گا، آئندہ کے سیاسی لائحہ عمل کا اعلان ساتھیوں کی مشاورت سے کروں گا۔
انہوں نے کہا کہ اداروں سے تصادم کی پالیسی کی وجہ سے پی ٹی آئی کو خیر باد کہا، 9 مئی کے پرتشدد واقعات کے باوجود پارٹی اپنے ریاستی اداروں کے خلاف جارحانہ بیانیے پر قائم ہے جو ملکی مفاد کیلئے نقصان دہ ہے۔
