غیر منافع بخش خلائی ٹرسٹ کی بانی اور چیئرپرسن نمیرا سلیم آج ورجن گلیکٹک شٹل میں خلا کے پہلے سفر کا آغاز کر دیا ہے ، وہ پاکستان کی پہلی خاتون ہیں جو خلائی سفر پر روانہ ہو ئی ہیں۔
نمیرا سلیم کے خلائی سفر سے قبل سوشل میڈیا پر پاکستان کے عوام نے ان کی خوب ستائش کی ہے جب کہ نگراں وزیر اعظم انوار الحق کاکڑ نے بھی ان کے لیے تہنیتی پیغام پوسٹ کیا ہے ۔
سوشل میڈیا صارفین کا کہنا ہے کہ ان شا اللہ 6 اکتوبر کو خلا میں پاکستان کا بھی قومی پرچم لہرانے والا ہے جس پر پوری قوم کو فخر ہے۔
برطانوی ایڈورٹائزنگ پروفیشنل ٹریور بیٹی اور امریکی فلکیات کے ماہر رون روزانو نمیرا سلیم کے خلائی سفر کے ساتھی ہیں۔ ورجن گلیکٹک شٹل کی چیف خلاباز انسٹرکٹر بیتھ موسیٰ بھی اس گروپ کا حصہ ہیں۔
منگل کو ورجن گلیکٹک نے انکشاف کیا تھا کہ انہوں نے جمعہ 6 اکتوبر تک اپنے خلائی سفر کو ایک دن کے لیے ملتوی کردیا ہے۔
نمبرا سلیم 2023 میں ورجن گلیکٹک شٹل کے چوتھے مشن گلیکٹک 04 کا حصہ ہیں اور ورجن گلیکٹک کے وی ایس ایس یونٹی خلائی طیارے پر جانے والے ان 3 افراد میں شامل ہیں جنہوں نے اس خلائی سفر کے لیے ادائیگی کی ہے۔
Good Luck Namira Salim @namirasalim.
I wish you success when you’re ready to make history on 06 October by becoming the 1st 🇵🇰 woman to travel to space in the #Galactic04
By proving their mettle as trailblazers in multiple fields, 🇵🇰 women are making the whole nation proud— Anwaar ul Haq Kakar (@anwaar_kakar) October 4, 2023
ورجن یونٹی نیو میکسیکو کے اسپیس پورٹ امریکا سے اپنی اڑان بھرے گی۔ سب آربیٹل ٹریجیکٹری مسافروں کو زمین پر واپس آنے سے پہلے کئی منٹ تک خلا میں زمین کی گردش کا نظارہ کرنے میں مدد دے گی تاہم وہ مدار تک نہیں پہنچ پائیں گے۔
پاکستان کی پہلی خلاباز پائلٹ
خلائی سفر کے لیے روانہ ہونے والی شٹل کی پائلٹ پاکستانی نژاد کینیڈین جمیل جنجوعہ ہیں۔ جمیل جنجوعہ 45 سے زیادہ خلائی گاڑیوں پر 4 ہزار گھنٹے سے زیادہ پرواز کر چکی ہیں اور خلائی جہاز اڑانے میں کیلی لیٹیمر اور سی جے اسٹرکو کی ٹیم میں شامل رہی ہیں۔ مشن مکمل کرنےکے بعد دونوں خلائی شٹلز اسپیس پورٹ امریکا واپس آئیں گی۔
نگراں وزیراعظم انوار الحق کاکڑ نے بھی نمیرا سلیم کو خلا میں جانے والی پہلی پاکستانی خاتون بننے پر مبارکباد دی ہے۔
I congratulate @namirasalim for your spaceflight today as first Asian and first Pakistani woman to make this odyssey. Because of you our National flag 🇵🇰 fluttered in space today. You scale a new height for yourself and women from Pakistan. We salute your courage and tenacity. pic.twitter.com/fJIJ0yBn2A
— Masood Khan (@Masood__Khan) October 6, 2023
انوار الحق کاکڑ نے اپنے ایکس اکاؤنٹ پر اپنی نیک خواہشات کا اظہار کرتے ہوئے لکھا تھا کہ ‘متعدد شعبوں میں ٹریل بلیزر کے طور پر اپنی صلاحیتوں کا لوہا منوا کر پاکستانی خواتین پوری قوم کا نام روشن کر رہی ہیں۔’
نمیرا سلیم 2006 میں ورجن گلیکٹک کا ٹکٹ 200،000 ڈالر میں خریدنے والے پہلے 100 افراد میں شامل تھیں۔ اس کے بعد سے اس کے سفر کی لاگت 450،000 امریکی ڈالر تک جا پہنچی ہے.
نمیرا سلیم نے اپریل 2007 میں قطب شمالی اور جنوری 2008 میں قطب جنوبی کا دورہ کر کے پہلی پاکستانی خلا نورد خاتون کا اعزاز بھی حاصل کیا تھا۔
