’کون کہتا ہے کہ میں بھاگ کر لندن گیا تھا میں تو جہاز پر گیا تھا‘ شہباز شریف

مسلم لیگ ن کے صدر اور سابق وزیراعظم میاں محمد شہباز شریف نے گزشتہ روز لاہور میں نیوز کانفرنس کی۔

سوالات کے جوابات دیتے ہوئے شہباز شریف کا ایک کلپ جس میں وہ کہتے ہیں ’کون کہتا ہے کہ میں بھاگ کر لندن گیا تھا میں تو جہاز پر گیا تھا‘ بہت وائرل ہو رہا ہے۔ جبکہ ان کے دائیں جانب مریم اورنگزیب اور بائیں جانب خواجہ سعد رفیق بیٹھے ہیں جو ان کے لندن جانے کے بیان پر قہقہے لگاتے نظر آتے ہیں۔

یہ کون کہتا ہے میں لندن بھاگ کرگیا تھا
میں تو جہاز پر گیا تھا 😂 pic.twitter.com/gd84qq5Add

— Raza Butt 🎙️ (@SocialDigitally) October 6, 2023

کلپ وائرل ہونے کے بعد شہباز شریف پر تنقیدی تبصرے کیے جا رہے ہیں اور بعض صارفین کی جانب سے ان کی حسِ مزاح کی تعریف کی جا رہی ہے۔

راحیلہ نامی صارف نے شہباز شریف کی ویڈیو پر تبصرہ کرتے ہوئے لکھا کہ آپ لندن ایسے گئے تھے جیسے کوئی ماڈل ٹاؤن سے بھاٹی گیٹ جاتا ہے۔

آپ لندن ایسے گے تھے جیسے کوئی ماڈل ٹاؤن سے بھاٹی گیٹ جاتا ہے https://t.co/bpdVZHmnCo

— Rahila (@buttrahila101) October 6, 2023

نعمان سہیل نے مسلم لیگ ن کے رہنماؤں شہباز شریف، خواجہ سعد رفیق اور مریم اورنگزیب کو تنقید کا نشانہ بناتے ہوئے کہا کہ جتنا یہ لوگ چیخ چیخ کر ہنس رہے ہیں اس میں اتنی بھی کوئی ہنسنے والی بات نہیں تھی۔

ویسے جتنے یہ لوگ چیخ چیخ کر ہنس رہے ہیں اتنی بھی ہنسے والی بات تو نہیں تھی! https://t.co/fxzCYPLeK2

— 𝐍𝐨𝐦𝐚𝐧 𝐒𝐨𝐡𝐚𝐢𝐥 (@S_O_H__A_I_L) October 6, 2023

حافظ عتیق نے معروف پاکستانی کامیڈین کو یاد کرتے ہوئے لکھا کہ آج تو شہباز شریف افتخار ٹھاکر ہی بنے ہوئے ہیں۔

اج تو شہباز شریف افتخار ٹھاکر بنا ہوا ہے

— hafiz atiq (@hafizat40078303) October 6, 2023

ایک صارف نے شہباز شریف کے بیان کو ’سستا کامیڈی شو‘ قرار دے دیا۔

سستا کامیڈی شو ۰۰۰۰۰۰ https://t.co/efrcQURszG

— Noreensarwar (@Noreensarwar152) October 6, 2023

جہاں بعض صارفین سابق وزیراعظم شہباز شریف کو تنقید بنا رہے تھے اور ان کا مذاق اڑا رہے تھے وہیں ایک صارف نے کہا کہ جگتیں مارنا پنجاب کا کلچر ہے اور سنجیدہ لوگ بلاوجہ خفا ہو رہے ہیں۔