شمالی کوریا نے روس کو اسلحے کی ترسیل شروع کر دی ہے۔ ترک خبر رساں ادارے کے مطابق شمالی کوریا کے لیڈر کِم جونگ اُن اور روس کے صدر ولادیمیر پیوٹن کے درمیان اسلحے کی فراہمی اور عسکری تعاون کے موضوع پر مبنی مذاکرات کے بعد شمالی کوریا انتظامیہ نے روس کو اسلحہ کی ترسیل شروع کر دی ہے۔
تاہم یہ نہیں بتایا گیا کہ شمالی کوریا اسلحے کی فراہمی کے بدلے میں روس سے کیا حاصل کر رہا ہے۔اسلحے کی یہ فراہمی کسی طویل المدت رسدی زنجیر کا حصہ ہے یا پھر کوئی محدود ترسیل ہے۔
واضح رہے کِم جونگ اُن نے 13 ستمبر کو روس کے علاقے آمور میں وسٹونچنی کی خلائی بیس پر روسی صدر سے ملاقات کی۔ امریکا، جنوبی کوریا اور جاپان نے ملاقات میں کِم جونگ اُن اور ولادیمیر پیوٹن کے درمیان اسلحے کی ترسیل اور عسکری تعاون کے موضوعات پر مذاکرات کے خلاف ردعمل کا اظہار کیا تھا۔
