آئی سی سی مینز کرکٹ کا سب سے بڑا ٹورنامنٹ عالمی کپ 2023 بھارت میں جاری ہے لیکن اس کے منتظم بھارتی کرکٹ بورڈ (بی سی سی آئی) کو آئے روز بی سی سی آئی کو بدانتظامی پر تنقید کا سامنا کرنا پڑ رہا ہے۔
تنقید کا یہ سلسلہ پیر کو بھی جاری رہا جب انگلینڈ ٹیم کے کپتان جوس بٹلر نے منگل کو دھرم شالہ کرکٹ اسٹڈیم میں اپنی ٹیم کے بنگلہ دیش کے خلاف ہونے والے ٹاکرے سے قبل آوٓٹ فیلڈ پر تشویش کا اظہار کرتے ہوئے کھلاڑیوں کو فیلڈنگ کے دوران ڈائیو لگانے کے دوران محتاط رہنے کی تاکید کی ہے۔
انگلینڈ ٹیم کے کپتان کا کہنا ہے تھا کہ میری رائے میں آوٹ فیلڈ کی حالت کافی خراب ہے جس کی وجہ سے آپ کو محتاط رہنا ہوتا ہے کیوں کہ اس سے آپ کی کارکردگی متاثر ہونے کا خدشہ ہے جو کہ بلاشبہ آپ میں سے کوئی بھی نہیں چاہیے گا۔
انہوں نے اس اہم مقابلے میں محتاط کھیل کا مظاہرہ کرنے والی مجبوری پر تشویش کا اظہار کرتے ہوئے کہا کہ یہاں یقینی طور پر آپ کو لگتا ہے کہ آپ کو محتاط رہنا ہے لیکن اس ٹورنامنٹ کی اہمیت کے پیش نظر محتاط رہ کر کھیلنا بھی جیت کی راہ میں حائل ہوسکتا ہے۔
A "poor" outfield in Dharamsala will force fielders to "be a little bit careful", says England captain Jos Buttler a day before their match against Bangladesh#ENGvBAN #CWC23 pic.twitter.com/o4BP5V5uED
— ESPNcricinfo (@ESPNcricinfo) October 9, 2023
اس سے قبل ہفتہ کے روز ہماچل پردیش کرکٹ اکیڈمی میں افغانستان اور بنگلہ دیش کے درمیان کھیلے جانے والے میچ میں آفیشلز نے ہفتے کے روز افغانستان کے خلاف بنگلہ دیش کے میچ میں آؤٹ فیلڈ کو ’اوسط‘ قرار دیا تھا جس کے افغانستان کے اسپنر مجیب الرحمان اس وقت بری زخمی ہوتے ہوتے بچے تھے جب باؤنڈری روکنے کے لیے ڈائیو لگاتے وقت ان کا گھٹنا آؤٹ فیلڈ میں پھنس گیا تھا۔
افغانستان کے کوچ جوناتھن ٹروٹ کا کہنا تھا کہ مجیب الرحمان ’خوش قسمت‘ تھے کہ وہ شدید انجری سے بچ گئے اور انہوں نے انگلینڈ کے کھلاڑیوں سے رابطہ کرکے انہیں آؤٹ فیلڈ کی حالت کے بارے میں خبردار کیا ہے۔
منگل کو ہونے والے مقابلے سے قبل بنگلہ دیش ٹیم کے اسپن باؤلنگ کوچ رنگنا ہیراتھ کا کہنا تھا کہ ٹیم انتظامیہ نے فیلڈرز کو ڈائیو نہ لگانے کی کوئی خاص ہدایات نہیں دیں۔
ان کا مزید کہنا تھا کہ، ’ہم کسی بھی چیز پر پابندی نہیں لگانے جا رہے ہیں تاکہ ہمارے کھلاڑی اپنی 100 فیصد کارکردگی دیں۔ انہوں نے کہا کہ ہمارا ٹیم کو مشورہ ہے کہ اپنی طرف سے بہترین کوشش کریں۔
۔آؤٹ فیلڈ پربات کرتے ہوئے ان کا کہنا تھا کہ ’اگر یہ آؤٹ فیلڈ بین الاقوامی کرکٹ کھیلنے کے لیے بہتر ہے تو میں بھی وی اس سے خوش ہیں
