ترجمان دفتر خارجہ کے مطابق ہنگری میں پاکستان کے سفیر آصف حسین میمن اور ہنگری کے اعلیٰ حکام نے وزیر خارجہ کا استقبال کیا۔
بلاول بھٹو زرداری دورے کے دوران اپنے ہم منصب سے ملاقات کریں گے ۔ ہنگری کے وزیر خارجہ سے ملاقات میں دو طرفہ تعلقات کا جائزہ لیا جائے گا۔
دونوں وزرائے خارجہ پاکستان اور ہنگری کے درمیان تعاون کی یادداشتوں پر دستخط بھی کریں گے۔وزیر خارجہ بلاول بھٹو زرداری ہنگری کے سفیر کے ساتھ سالانہ کانفرنس سے بھی خطاب کریں گے۔
بلاول بھٹو زرداری پاکستان میں کام کرنے والی ہنگری کی کمپنیوں کے نمائندوں سے بھی ملاقات کریں گے۔کسی بھی پاکستانی وزیر خارجہ کی جانب سے ہنگری کا یہ پہلا سرکاری دورہ ہے۔