ملک میں تقریباً ایک ماہ بعد بلین مارکیٹ کھلنے کے بعد آج باقاعدہ طور پر سونے کے ریٹ جاری کردیے گئے۔
تفصیلات کے مطابق آج بلین مارکیٹ کھلنے کے بعد سونے کی فی تولہ قیمت 4 ہزار روپے اضافے سے ایک لاکھ 99 ہزار 500 روپے جبکہ 10 گرام سونے کی قیمت 1 لاکھ 71 ہزار 39 روپے ہو گئی ہے۔
یاد رہے 12 ستمبر کو بلین مارکیٹ 2 لاکھ 15 ہزار روپے پر بند ہوئی تھی۔ عالمی صرافہ بازار میں سونے کی قیمت 1856 ڈالر فی اونس ہو گئی ہے۔
واضح رہے 12 ستمبر سے اب تک عالمی مارکیٹ میں فی اونس سونے کی قیمت میں 55 ڈالر کی بڑی کمی ہوئی ہے۔
