اسرائیل کی جانب سے غزہ میں فضائی حملوں کا سلسلہ جاری ہے، حملوں میں اب تک شہید فلسطینیوں کی تعداد 900 ہوگئی ہے جبکہ 4 ہزار سے زائد زخمی ہیں۔
آئی سی سی ورلڈکپ میں حیدرآباد کے میچ میں لنکن ٹائیگرز کو دھول چٹانے والے وکٹ کیپر بلے باز محمد رضوان نے اپنی سنچری غزہ، فلسطین کے نام کر دی۔
بیٹسمین محمد رضوان نے بھی سماجی رابطوں کی سائیٹ ’ایکس‘ پر جاری بیان میں کہا کہ یہ جیت غزہ میں ہمارے بھائیوں اور بہنوں کے لیے تھی۔
ان کا مزید کہنا تھا کہ سری لنکا کے خلاف جیت میں حصہ ڈال کر خوشی ہوئی ہے اور اسے آسان بنانے کا کریڈٹ پوری ٹیم اور خاص طور پر پاکستانی بلے بازعبد اللہ شفیق اور فاسٹ بولر حسن علی کو جاتا ہے۔
بھارت میں مہمان نوازی پر شکریہ ادا کرتے ہوئے ان کا کہنا تھا کہ میں حیرت انگیز مہمان نوازی اور تعاون کے لیے حیدر آباد کے لوگوں کا بے حد شکرگزار ہوں۔
This was for our brothers and sisters in Gaza. 🤲🏼
Happy to contribute in the win. Credits to the whole team and especially Abdullah Shafique and Hassan Ali for making it easier.
Extremely grateful to the people of Hyderabad for the amazing hospitality and support throughout.
— Muhammad Rizwan (@iMRizwanPak) October 11, 2023
محمد رضوان نے فلسطینی عوام سے اظہار یکجہتی کرتے ہوئے اپنے ایکس اکاؤنٹ کی پروفائل پکچر بھی تبدیل کر دی۔
واضح رہے کہ محمد رضوان نے 121 گیندوں پر 131 رنز کی ناقابلِ شکست اننگز کھیلی جس کی تعریف پاکستانیوں سمیت دنیا بھر کے تجزیہ کاروں نے کی۔
