وزیرِ اعظم نے اسلام آباد میں ترقیاتی منصوبوں پر کام کی رفتار کو تیز کرنے اور عوامی منصوبوں کو ترجیحی بنیادوں پر مکمل کرنے کے لیےجائزہ کمیٹی قائم کر دی۔ کہا رہائشیوں کو بہترین سہولیات فراہم کی جائیں۔ شہر میں جاری ترقیاتی کاموں پر 24 گھنٹے کام یقینی بنایا جائے۔
وزیراعظم ہاوس کے مطابق وزیراعظم شہباز شریف کی زیرِ صدارت اسلام آباد میں جاری ترقیاتی منصوبوں پر جائزہ اجلاس ہوا۔ وزیراعظم نے بہارہ کہو بائی پاس کو جلد مکمل کرنے کی ہدایت کرتے ہوئے کہاہر منصوبے کی تھرڈ پارٹی ویلیڈیشن یقینی بنائی جائے۔
وزیرِاعظم نے اسلام آباد میں سالڈویسٹ مینیجمنٹ کے مربوط نظام کے تعارف کے حوالے سے سی ڈی اے سے رپورٹ طلب کرلی۔ پبلک ٹرانسپورٹ منصوبوں پر کام کو تیز کرنے کی ہدایت بھی کی۔ وزیراعظم نے کہا سی ڈی اے سمندر پار پاکستانیوں کے لیے منصوبوں کی رفتار تیز کرے۔
