متحدہ عرب امارات (یو اے ای) کے وزیر خارجہ شیخ عبداللہ بن زاید نے نگران وزیر خارجہ جلیل عباس جیلانی سے ٹیلی فونک رابطہ کیا ہے۔ جس میں اسرائیل، فلسطین کشیدگی میں کمی کی مربوط کوششوں پر تبادلہ خیال کیا گیا ہے۔
نگراں وزیر خارجہ جلیل عباس جیلانی کی ایکس پوسٹ کے مطابق ٹیلیفونک رابطے میں دونوں وزراء نے غزہ کی صورتحال، کشیدگی کے خاتمے اور عام شہریوں کے تحفظ کی فوری ضرورت پر بھی تبادلہ خیال کیا ہے۔
Received a call from HH Sheikh #Abdullah_bin_Zayed, Foreign Minister of UAE . We discussed escalating situation in #Gaza , the urgent need for cessation of hostilities and protection of civilians. A coordinated response was emphasised.
— Jalil Abbas Jilani (@JalilJilani) October 14, 2023
7 اکتوبر سے آج تک 2215 فلسطینی جاں بحق
ادھر وزارت صحت غزہ کے مطابق 7 اکتوبر کی صبح سے کشیدگی کے آغاز سے لیکر آج تک 724 بچوں اور 458 خواتین سمیت 2،215 فلسطینی جاں بحق اور 8،714 شہری زخمی ہوئے، جن میں 2،450 بچے اور 1،536 خواتین شامل ہیں۔