افغانستان نے دفاعی چیمپئن انگلینڈ کو 69 رنز سے شکست دے کر آئی سی سی کرکٹ ورلڈ کپ 2023 کا پہلا اپ سیٹ کر دیا۔
افغانستان کے 285 رنز کے تعاقب میں انگلش ٹیم 40.3 اوورز میں 215 رنز بناسکی۔ انگلینڈ کی طرف سے ہیری بروک نے 66 رنز بنائے تاہم ان کے علاوہ کوئی بھی بلے باز افغان بولرز کے آگے جم کر نہ کھیل سکا۔
میچ میں افغان کرکٹ ٹیم کی کارکردگی دیکھ کر کرکٹ شائقین سوشل میڈیا پر افغان کرکٹ ٹیم کی تعریفوں کے پل باندھتے نظر آئے تو اسٹار افغان بولر راشد خان نے مداحوں کا شکریہ ادا کرنے کے لیے ایکس پر پوسٹ کر دی۔
راشد خان نے اپنی پوسٹ میں ارون جیٹلی گراؤنڈ میں موجود میں شائقین کا شکریہ ادا کرتے ہوئے لکھا کہ ’دہلی سچ میں دل والوں کی ہے‘۔
Delhi sach mein dil walon ki hai 🙌
A huge thank you to all the fans at the stadium who supported us and kept us going through out the game 🙏
And to all our supporters around the 🌍 thank you for your love 💙
— Rashid Khan (@rashidkhan_19) October 16, 2023
انہوں نے مزید کہا کہ میں اپنی اور افغان ٹیم کی طرف سے اسٹیڈیم میں موجود تمام تماشائیوں کو شکریہ ادا کرنا چاہتا ہوں جنہوں نے میچ کے دوران ہمیں بھرپور اسپورٹ کیا۔
اسٹیڈیم سے باہر بیٹھے اپنے چاہنے اور اسپورٹ کرنے والوں کا بھی شکریہ ادا کرتے ہوئے راشد خان کا کہنا تھا کہ میں دنیا بھر میں اپنے چاہنے والوں کا شکریہ ادا کرنا چاہتا ہوں، آپ سب لوگوں کی محبتوں اور چاہتوں کا شکریہ۔
واضح رہے کہ افغانستان کی ورلڈکپ کی تاریخ میں یہ دوسری کامیابی ہے۔ اس سے قبل افغانستان نے 17 ورلڈکپ میچز کھیلے، جس میں 16 میں شکست اور صرف ایک میں کامیابی ملی تھی۔ افغانستان نے 2015 کے ورلڈکپ اسکاٹ لینڈ کے خلاف پہلی جیت اپنے نام کی تھی۔