بھارتی شہر بنگلورو میں آسٹریلیا کے خلاف میچ سے قبل پاکستانی کیمپ میں وائرل انفیکشن کے حملے سے متعدد پاکستانی کھلاڑی فلو اور تیز بخار میں مبتلا ہو گئے ہیں جبکہ اوپننگ بیٹر عبداللہ شفیق کو زیادہ طبعیت کی خرابی کے باعث ان کے کمرے میں قرنطینہ کر دیا گیا ہے۔
مزید پڑھیں
اطلاعات کے مطابق شاہین شاہ آفریدی، سعود شکیل اور زمان خان بھی فلو اور بخار میں مبتلا ہیں جبکہ اسامہ میر پاکستان اور بھارت کے درمیان کھیلے گئے میچ کے دوران بھی بیمار تھے تاہم ابھی تک کسی کھلاڑی کے ڈینگی بخار میں مبتلا ہونے کی تصدیق نہیں ہوئی ہے۔ امید کی جا رہی ہے کہ شاہین شاہ آفریدی میچ سے قبل مکمل طور پر فٹ ہو جائیں گے۔
کچھ کھلاڑی ریکوری کے مرحلے میں ہیں
پاکستان کرکٹ بورڈ نے اپنے ایک بیان میں کہا ہے کہ کچھ کھلاڑیوں کو پچھلے دنوں بخار کی شکایت تھی تاہم اب وہ مکمل طور پر صحت مند ہیں اور جو ریکوری کے مرحلے میں ہیں، ٹیم کا میڈیکل پینل ان کی مسلسل دیکھ بھال کر رہا ہے۔