سابق وزیراعظم پاکستان و قائد پاکستان مسلم لیگ ن نواز شریف 21 اکتوبر کو وطن واپس پہنچ رہے ہیں، مسلم لیگ ن کی جانب سے لیگی قائد کے استقبال کے لیے تیاریوں کو حتمی شکل دے دی گئی ہے۔
مسلم لیگی قائد کے استقبال کے لیے ملک بھر سے کارکنان لاہور پہنچنا شروع ہو گئے ہیں، زیادہ تر قافلے ہفتہ کے روز ہی لاہور پہنچیں گے۔
مزید پڑھیں
مسلم لیگی قائد کا لاہور آمد پر جہاں مختلف نعروں سے استقبال ہو گا وہیں ہفتہ کو سہ پہر 3 بجے ڈیڑھ گھنٹے تک 2 طیارے نواز شریف کی آمد کی خوشی میں شہر میں پھول پھینکیں گے۔
نواز شریف کو وطن واپسی سے قبل عدالتوں سے بھی بڑا ریلیف مل گیا ہے، اسلام آباد ہائیکورٹ اور اسلام آباد کی احتساب عدالت نے نوازشریف کو وطن واپسی پر گرفتاری سے روک دیا ہے۔
اسلام آباد ہائی کورٹ اور احتساب عدالت نے نوازشریف کو 24 اکتوبر تک گرفتار کرنے سے روک دیا ہے۔
پاکستان مسلم لیگ ن نے نوازشریف کی وطن واپسی پر نیا ترانہ ’ہے قائد ہمارا نواز شریف، ہے فخر ہمارا نواز شریف‘ بھی ریلیز کر دیا ہے۔
مسلم لیگ ن کے کارکنان نواز شریف کے استقبال کے لیے پُرجوش ہیں، چیف آرگنازئر مسلم لیگ ن مریم نواز خود استقبال کے حوالے سے تیاریوں کا جائزہ لے رہی ہیں۔
پاکستان مسلم لیگ ن کے صدر میاں شہبازشریف نے کہا ہے کہ نوازشریف وطن واپسی پر ترقی کا سفر دوبارہ شروع کریں گے، اب رکے ہوئے کام دوبارہ شروع ہوں گے۔
