پاکستان تحریک انصاف کی کورکمیٹی کا اہم اجلاس میں سابق وزیراعظم میاں نوازشریف کی وطن واپسی پر تبصرہ کرتے ہوئے کہا گیا ہے کہ ن لیگ کے عدالتوں سے سزایافتہ مجرم کی احتساب عدالت اور اسلام آباد ہائی کورٹ سے حفاظتی ضمانت کی منظوری نے عدلیہ کی آزادی کو مشکوک بنا دیا ہے۔
شرمناک ریاستی سہولت کاری جاری ہے
کور کمیٹی کے مطابق پاکستان اس وقت آئین سے محروم اور ریاستی عناصر کی جانب سے بدترین سیاسی انجنئیرنگ کی شکار ریاست بن چکا ہے۔ ملک سے نظام انصاف کو زمین بوس کر کے قومی مجرموں کے لیے سیاست و حکومت کی راہ ہموار کرنے کے لیے شرمناک ریاستی سہولت کاری جاری ہے۔
قانون و انصاف کا قتل کیا گیا
ن لیگ کے جس بھگوڑے قائد کی لندن پلان کے تحت وطن واپسی کے لیے قانون و انصاف کا قتل کیا گیا ہے وہ کرپشن کے سنگین جرم میں ٹرائل کورٹ سے عدالتِ عظمیٰ تک سزا یافتہ ہے۔
ایک جانب قومی مجرم کے لئے قانون و انصاف کو زمین پر بچھا دیا گیا ہے جبکہ دوسری جانب قوم کے صادق اور امین قائد کو محض سیاسی انتقام کا نشانہ بنانے کے لیے عدالتوں کو سیاسی ٹرائلز پر لگا دیا گیا ہے۔
عمران خان کو قوم کی نمائندگی کے حق سے محروم کیا جا رہا ہے
کور کمیٹی کا کہنا ہے کہ توشہ خانہ جیسے بے بنیاد مقدمے کے بعد سائفر جیسے مضحکہ خیز مقدمے کے ذریعے چیئرمین عمران خان کو آزادی اور قوم کی نمائندگی کے حق سے محروم کیا جا رہا ہے۔
مزید پڑھیں
کور کمیٹی کے مطابق قومی مجرم کو ڈیڑھ گھنٹے میں قانون سے واضح انحراف کرتے ہوئے عدالتی پناہ فراہم کرنے والے چیف جسٹس چئیرمین عمران خان کے خلاف درجن بھر مقدمات کے فیصلے محفوظ کر کے بیٹھے ہوئے ہیں۔
ہائی کورٹ میں مقدمے کی سماعت کے لیے قومی مجرم کے لیے بائیومیٹرک کی شرط کو ختم کرنے والی عدلیہ سائفر جیسے بیہودہ مقدمے میں چئیرمین عمران خان کو فیئر ٹرائل سے محروم رکھ کر جیل کی سلاخوں کے پیچھے مقدمہ چلا رہی ہے۔
عدلیہ کی غیر جانبدار حیثیت عملاً خاک میں مل چکی
پچھلے 18 ماہ کے دوران بالعموم جبکہ پچھلے 6 ماہ کے دوران بالخصوص دیگر ریاستی اداروں کی طرح عدلیہ کی غیر جانبدار حیثیت عملاً خاک میں مل چکی ہے۔
تحریک انصاف خصوصاً چئیرمین عمران خان کے معاملے میں انصاف طویل کارروائیوں، غیر ضروری التوا، متعصب ججوں، پہلے سے طے شدہ فیصلوں اور بنیادی قانونی حقوق سے محرومی کا مجموعہ بن چکا ہے۔
نوازشریف کی بائیومیٹرک کیلئے نادرا اور عدالتی عملے کی اسلام آباد ائیرپورٹ آمد کا معاملہ
پاکستان تحریک انصاف کی ایک سزایافتہ مجرم کو فراہم کی جانے والی خصوصی رعایت و سہولت پر سخت تنقید : #اشتہاری_مجرم_بنا_لاڈلا #قومی_مجرم_نواز_بھگوڑا
عدالت سے جھوٹ بول کر فرار ہونے والے قومی…
— PTI (@PTIofficial) October 21, 2023
پاکستانیوں کو بنیادی حقوق سے محروم کیا جا رہا ہے
کور کمیٹی کا کہنا ہے کہ آئین کی بحالی اور عوام کے ووٹ کے جمہوری حق کے تحفظ کے حوالے سے عدلیہ کے کردار نے قوم کے اعتماد کو بری طرح مجروح کیا ہے۔
بیماری کا بہانہ بنا کر خالصتاً انسانی ہمدردی کی آڑ میں جیل سے بھاگنے والے مجرم کے ساتھ بند کمروں میں کیے جانے والے سمجھوتوں پر عمل کے لیے 24 کروڑ پاکستانیوں کو آئین، قانون ،انصاف، جمہوریت اور ووٹ کے حق سمیت تمام بنیادی حقوق سے محروم کیا جا رہا ہے۔
لاہور کا جلسہ حکومت کروا رہی ہے
کورکمیٹی کا کہنا ہے کہ عوام سے مسترد شدہ اس قومی مجرم کی ریاستی سرپرستی میں سیاسی رونمائی کیلئے ریاستی وسائل کے منہ کھول دیئے گئے ہیں اور سرکاری مشینری کو پوری طرح حرکت دے دی گئی ہے۔
لاہور کا جلسہ در اصل پاکستان مسلم لیگ نہیں بلکہ حکومت پاکستان اور اس کے ذیلی ادارے کروا رہے ہیں۔ پورے ملک میں گاڑیوں کی پکڑ دھکڑ جاری ہے جبکہ پولیس اور ضلعی انتظامیہ سمیت پوری ریاستی مشینری کو اس قومی مجرم کے جلسے کو کامیاب بنانے کا ہدف سونپا گیا ہے۔
انوکھے لاڈلے اور مفرور مجرم کے استقبال پر ریاستی مشینری اور وسائل کے بے دریغ استعمال پر تحریک انصاف کی تنقید:#اشتہاری_مجرم_بنا_لاڈلا #قومی_مجرم_نواز_بھگوڑا
اس وقت تمام تر ریاستی نظام ایک چور کی واپسی کیلئے سرگرم ہے جو نہ صرف نااہل ہے بلکہ سزا یافتہ بھی ہے،
قوم کا مستند مجرم…
— PTI (@PTIofficial) October 21, 2023
عوام کو غلام سمجھتے ہیں
کور کمیٹی کا کہنا ہے کہ یہ لوگ دراصل عوام کو غلام سمجھتے ہیں لیکن قومی مجرم کے سرپرست الٹے بھی لٹک جائیں تو اس جھوٹے اور بے حمیت شخص کو عوام سے قبولیت نہیں دلوا سکتے۔
تحریک انصاف میں کسی قسم کی تقسیم یا اختلاف کے تاثرات کی تردید
کور کمیٹی کے اجلاس میں تحریک انصاف میں کسی قسم کی تقسیم یا اختلاف کے تاثرات کی تردید کرتے ہوئے کہا کہ چئیرمین عمران خان کی قیادت اور ہدایات کی روشنی میں کور کمیٹی مکمل اتحاد، یگانگت، ہم آہنگی اور اتفاق رائے سے تنظیمی فیصلہ سازی کو آگے بڑھا رہی ہے۔
