پروفیشنل مارشل آرٹس اسلام ماخاچیف نے ابوظہبی میں فائٹ جیتنے کے بعد فلسطین کا پرچم لہرا دیا، اور کہا کہ میں اپنی جیت کی خوشی نہیں مناؤں گا، میری دعائیں فلسطین کے مظلوموں کے ساتھ ہیں۔
روس سے تعلق رکھنے والے مشہور پروفیشنل مارشل آرٹس اسلام ماخاچیف اپنی اہم فائٹ جیتنے کے بعد فلسطین میں جاری مظالم کے خلاف بول پڑے اور فلسطین کا پرچم لہرا دیا۔
🇵🇸🇷🇺 Russian UFC Champion Islam Makhachev heads home from his Round 1 KO VICTORY with a Palestinian flag! pic.twitter.com/lLbQmbTpju
— Jackson Hinkle 🇺🇸 (@jacksonhinklle) October 21, 2023
گزشتہ روز ابو ظہبی میں الٹیمیٹ فائٹنگ چیمپیئن شپ (یو ایف سی) کی لائٹ ویٹ چیمپیئن شپ کا مقابلہ ہوا۔ اسلام ماخاچیف اور الیگزینڈر وولکانوسکی اتحاد ارینا میں مدمقابل آئے۔
اسلام ماخاچیف نے یو ایف سی 294 کے مین ایونٹ میں راؤنڈ ون کے 3:06 منٹ میں الیگزینڈر وولکانوسکی کو ہیڈ کک اور پنچ سے شکست دی۔ یہ ماخاچیف کی وولکانوسکی کے خلاف دوسری فتح تھی۔
فائٹ جیتنے کے بعد اسلام ماخاچیف نے فلسطین کی حمایت کا اظہار کیا۔ فلسطین کی حمایت میں یو ایف سی 294 کی فتح کے بعد اسلام ماخاچیف نے جشن منانے سے بھی انکار کر دیا۔
Islam Makhachev says ''Palestine with are with you, our Duas'' pic.twitter.com/i891oZKgKc
— TruRed (@TruRedTV) October 21, 2023
میڈیا سے بات کرتے ہوئے ماخا چیف نے کہا کہ میں اپنی جیت فلسطین کے نام کرتا ہوں، میں خوشی نہیں منا سکتا کیونکہ فلسطین میں مظلوم مسلمانوں کے ساتھ جو ہو رہا ہے وہ قابل مذمت ہے۔
انہوں نے کہا کہ میں یہاں فلسطینیوں کے ساتھ کھڑا ہوں، میں مطالبہ کرتا ہوں کہ اسرائیل جلد از جلد فلسطینیوں پر ڈھائے جانے والے مظالم کو بند کرے۔
واضح رہے اسلام ماخاچیف نے میچ جیتنے کے بعد مظلوم فلسطینیوں کے حق میں آواز اٹھانے کے ساتھ ساتھ فلسطین کا جھنڈا اٹھائے رکھا اور جیت کی خوشی کا اظہار بھی نہیں کیا۔
