‘اگر امریکہ کے گٹر کا ڈھکن بھی انڈیا بنا رہا ہے تو سوچیں اور کیا کیا بنا رہا ہوگا؟ ‘

بھارت جہاں دنیا کی تیسری بڑی معیشت بننے کا دعویدار ہے وہیں عالمی مالیاتی ادارے آئی ایم ایف نے بھی یہ اندازہ لگایا ہے کہ 2027 تک انڈیا امریکہ اور چین کے بعد دنیا کی تیسری بڑی معیشت بن جائے گا۔

تیزی سے ترقی کرتا بھارت سائنس سے لے کر اسپورٹس تک ہر میدان میں جھنڈے گاڑتا نظر آرہا ہے۔ایسی ہی ایک بحث پاکستانی سوشل ٹائم لائنز پر اس وقت جاری ہے جہاں پاکستانی گلوگار شہزاد رائے کی ایک ویڈیو پر صارفین مختلف تبصرے کر رہے ہیں۔

گلوگار شہزاد رائے جو اس وقت امریکہ میں موجود ہیں انہوں نے ایک ویڈیو سماجی رابطے کی ویب سائٹ ایکس پر پوسٹ کی جس میں وہ ایک گٹر کے سامنے کھڑے ہیں جس کے ڈھکن پر میڈ ان انڈیا لکھا ہے، شہزاد رائے نے لکھا نیو یارک سٹی میں چلتے چلتے نظر پڑی ، ‘اگر امریکہ کے گٹر کا ڈھکن بھی انڈیا بنا رہا ہوگا تو سوچیں اور کیا کیا بنا رہا ہوگا؟ ‘

New York City mein chaltay chaltay nazar pari.. Agar America kay gatar kay dhakkan bhi india bana raha hai to sochian , aur Kya Kya bana raha hoga. pic.twitter.com/glSGc20Zz0

— Shehzad Roy (@ShehzadRoy) October 25, 2023

شہزاد رائے نے ویڈیو پوسٹ کی تو صارفین نے تبصروں کا ایک انبار لگا دیا، کسی نے تنقید کی تو کسی نے میمز کا سہارا لے کر طنز و مزاح سے ایک ماحول بنا ڈالا ، ایک صارف نے تبصرہ کرتے ہوئے لکھا اگر آپ اس بات پر انڈیا کو سراہ رہے ہیں تو میں آپ کے ساتھ ہوں لیکن اگر آپ انڈیا کا مقابلہ پاکستان
سے کر رہے ہیں تو پھر غلط ہے کیونکہ پاکستان کا مقابلہ صومالیہ سے کیا جائے تو وہ بھی بیلنس نہیں ہوگا۔

Ager aap is baat pe india ko appreciate kar re hai to im with you ! Lekin ager ap ka is video se maqsad pakistan se comparison hai to siwaye dil jalane k kuch nhn q k humara muqabla ethiopia somalia kya jaye to shayad woh b balance na ho

— Shehzad Sheikh (@Shehzadshkk) October 25, 2023

ایک صارف نے مزاحیہ انداز میں تبصرہ کرتے ہوئے لکھا کوئی بات نہیں ہم بھی تو دنیا کو بیوقوف بنا رہے ہیں ۔

کوئی بات نہیں ہم بھی تو دنیا کو بیوقوف بنا رہے ہیں 🙏

— Asif Khan (@asifkhan12153) October 25, 2023

امریکہ میں بھارتی مصنوعات دیکھ کر ایک صارف نے لکھا کہ مطلب کہ امریکہ بھی انڈیا سے چیزیں امپورٹ کرتا ہے اور گٹر کے ڈھکن بھی خود نہیں بنا سکتا۔

Mtlab America b apny dhakan nhi khud bna skta..oh

— Bilal Ashraf 🇵🇰 (@bilalashraf_1) October 25, 2023

صارفین کا کہنا تھا کہ بھارت ہر لحاظ سے پاکستان سے بہت آگے ہے اور ہمیں اب یہ بات تسلیم کرلینی چاہیے کہ ترقی کی دوڑ میں ہم بہت پیچھے رہ چکے
ہیں، کرپشن مہنگائی اور انتظامی مسائل نے پاکستان کو صدیوں پیچھے دھکیل دیا ہے۔