پاکستان مسلم لیگ (ن) کے قائد میاں محمد نواز شریف نے کمرہ عدالت میں صحافیوں کے سوالوں کے دلچسپ جوابات دیے ہیں۔
اسلام آباد ہائی کورٹ میں العزیزیہ اور ایون فیلڈ ریفرنس میں سزا کے خلاف اپیلیوں کے دوران میاں محمد نواز شریف کمرہ عدالت میں داخل ہوئے تو ایک صحافی نے سوال کیا کہ کیا آپ الیکشن کی تاریخ کا مطالبہ کریں گے ؟ تو میاں محمد نواز شریف نے عدالت کی طرف سے اشارہ کرتے ہوئے کہا کہ پہلے یہاں سے تو فری ہو جائیں۔
اسلام آباد ہائیکورٹ نے محفوظ فیصلہ سنا دیا
العزیز یہ اور ایون فیلڈ ریفرنس میں نواز شریف کی سزا کے خلاف اپیلیں بحالالحمداللہ pic.twitter.com/f02xbmvB2B
— PMLN (@pmln_org) October 26, 2023
صحافی نے دوسرا سوال کیا کہ قوم کے مجرموں کاحساب ہو گا یا نہیں ؟ تو اس پر میاں نواز شریف نے جواب نہیں دیا اور مسکرا دیے، صحافی نے پھر پوچھا کہ سویلین بالادستی پر یقین رکھتے ہیں ؟ تو میاں محمد نواز شریف کا کہنا تھا کہ 1947 میں بھی سویلین بالادستی تھی تو ہم آزاد ہوئے ہیں۔
واضح رہے کہ العزیزیہ اور ایون فیلڈ ریفرنس میں سزا کے خلاف میاں محمد نواز شریف کی اپیلیں بحال کر دی گئی ہیں، جس سے متعلق چیف جسٹس آف پاکستان کی سربراہی میں 2 رکنی بینچ نے محفوظ فیصلہ سنایا۔
