فلسطین میں الجزیرہ کے غزہ کے بیورو چیف نے اسرائیلی حملے میں شہید ہونے والی اپنی اہلیہ اور 3بچوں کی نماز جنازہ خود پڑھانے کے بعد اسرائیل کو پیغام دیا کہ وہ اپنے پیشہ ورانہ فرائض اور غزہ کے حوالے سے دُنیا کو باخبر رکھنے سے نہیں رکیں گے۔
مزید پڑھیں
اسرائیلی فوج کے محاصرے میں غزہ سے رپورٹنگ کرنے والے الجزیرہ کے بیورو چیف اور سینیئر صحافی وائل دہدوح نے بدھ کو اسرائیل کی صہیونی افواج کی بمباری سے شہید ہونے والی اپنی اہلیہ اور 3 بچوں کی نمازِ جناہ خود پڑھائی۔ نمازِ جنازہ کے بعد بہادر صحافی کاکہنا تھا کہ دنیا کو غزہ کے حوالے سے باخبر رکھنے سے وہ نہیں رکیں گے۔ اس کاسوال ہی پیدا نہیں ہوتا، بس چند منٹ بعد میں دوبار لائیو رپورٹنگ کر نے جا رہا ہوں گا۔
الجزیرہ عزہ کے بیورو چیف نے اسرائیلی حملے میں شہید ہونے والی اپنی اہلیہ 3بچوں کی نماز جنازہ خود پڑھائی۔ جنازہ کے بعد ہہادر صحافی کاکہنا تھا کہ دنیا کو غزہ کے حوالے سے باخبر رکھنے سے وہ نہیں رکیں گے'اس کاسوال ہی پیدا نہیں ہوتا۔ بس چند منٹ بعد میں دوبار لائیو رپورٹنگ کر رہا ہوں گا' pic.twitter.com/TfDalXarw7
— Israr Ahmed (@IsrarAhmedPK) October 26, 2023
واضح رہے کہ بدھ کو غزہ سے الجزیرہ ٹیلی ویژن نیوز کے لیے رپورٹنگ کرنے والے سینیئر صحافی وائل دہدوح کی اہلیہ، بیٹا اور بیٹی اسرائیلی فضائی حملے میں شہید ہوگئے تھے، وائل کو یہ خبر اس وقت موصول ہوئی جب وہ غزہ پر اسرائیلی حملوں کی براہ راست کوریج میں مصروف تھے۔
ایک اور فلسطینی صحافی محمد فارا کو بھی دوران ڈیوٹی اہلیہ اور بچوں کی شہادت کی اطلاع ملی، اسرائیلی حملوں میں اب تک 20 سے زیادہ صحافی شہید ہو چکے ہیں۔