سپریم کورٹ نے نیب ترامیم فیصلے کے خلاف اپیلیں سماعت کے لیے مقرر کر دیں۔ چیف جسٹس آف پاکستان جسٹس قاضی فائز عیسیٰ نے 5 رکنی لارجر بینچ تشکیل دے دیا ہے۔ لارجر بینچ کی سربراہی چیف جسٹس قاضی فائز عیسیٰ کریں گے۔
لارجر بینچ میں جسٹس امین الدین خان، جسٹس جمال مندوخیل، جسٹس اطہر من اللّٰہ اور جسٹس حسن اظہر رضوی شامل ہیں۔ 5 رکنی لارجر بینچ 31 اکتوبر کو کیس کی سماعت کرے گا۔
سپریم کورٹ نے پرنسپل سیٹ اسلام آباد کے لیے آئندہ ہفتے کی کاز لسٹ اور ججز روسٹر بھی جاری کر دیا ہے۔ آئندہ ہفتے پرنسپل سیٹ پر 5 بینچ مقدمات کی سماعت کریں گے۔
بینچ ایک چیف جسٹس قاضی فائز عیسی،جسٹس اطہر من اللہ اور جسٹس امین الدین پر مشتمل ہوگا۔
بینچ 2 میں جسٹس سردار طارق مسعود،جسٹس یحیی آفریدی اور جسٹس عائشہ ملک ہوں گے۔
بینچ 3 جسٹس اعجاز الاحسن،جسٹس مظاہر علی اکبر نقوی اور جسٹس محمد علی مظہر پر مشتمل ہوگا۔
بینچ 4 میں جسٹس منصور علی شاہ،جسٹس جمال خان اور جسٹس حسن اظہر رضوی شامل ہوں گے۔
بینچ 5 جسٹس منیب اختر،جسٹس شاہد وحید اور جسٹس مسرت ہلالی پر مشتمل ہوگا۔
فیض آباد دھرنا نظرثانی کیس کی سماعت بدھ یکم نومبر جبکہ 90 روز میں انتخابات کرانے سے متعلق کیس کی سماعت جمعرات 2 نومبر کو ہوگی۔
