’اسے میری گود میں رہنے دو‘ فلسطینی ماں کی دہائی

غزہ پر اسرائیلی حملے جاری ہیں اور آئے روز کفن میں لپٹی لاشیں دیکھنے کو ملتی ہیں۔ سوشل میڈیا ایسی ہزاروں تصاویر اور ویڈیوز سے بھرا پڑا ہے۔

ایسے ہی ایک ویڈیو آر ٹی ای اردو نے شیئر کی جس میں ایک ماں اپنے کمسن بچے کی کفن میں لپٹی لاش اٹھائے کھڑی ہے اور روتے ہوئے کہہ رہی ہے کہ ’اسے میری گود میں رہے دو‘۔

ویڈیو پر صارفین کی جانب سے جذباتی رد عمل دیکھنے میں آ رہا ہے کسی نے اسرائیلی فوج کو برا بھلا کہا تو کسی نے مسلم دنیا سے مدد کی اپیل کی۔

ایک صارف نے ویڈیو پر تبصرہ کرتے ہوئے کہا کہ ’ماں آخر ماں ہوتی ہے‘۔

ماں آخر ماں ہوتی ہے https://t.co/3qJwHsrDFp

— قاری امان اللہ (@aman_mlk) October 28, 2023

افضہ لکھتی ہیں کہ تاریخ اس ظلم کی گواہ رہے گی۔

History will bear witness 💔 https://t.co/9LnweoRzCe

— افضہ🌸 (@Afzagabol) October 28, 2023

ایک اور صارف نے کہا کہ یہ ویڈیو دیکھ کر دل پھٹا جا رہا ے لیکن ہم مسلمان صرف تماشا دیکھ رہے ہیں۔

دل پھٹا جارہا ہے ہم مسلمان صرف تماشا دیکھ رہے ہیں

— Salah صلاح🇵🇰🇵🇸🇧🇫🏏❤️ (@Salahkh723) October 28, 2023

واضح رہے کہ غزہ میں محصور فلسطینیوں پر اسرائیلی فوج کی وحشیانہ بمباری مسلسل جاری ہے، فلسطینی شہیدوں کی مجموعی تعداد 7000 سے بھی تجاوز کرچکی ہےاور فلسطینی کئی روز سے کھانے، پانی اور بجلی سے محروم ہیں۔