وہ ایک غلطی جو آپ کو ایکس (ٹوئٹر) مونیٹائزیشن سے محروم کر سکتی ہے

ایلون مسک نے اپنی مائکرو بلاگنگ ویب سائٹ ایکس ( سابقہ ٹوئٹر) پر کنٹنٹ کی مونیٹائزیشن کے لیے نئے اصول لاگو کیے ہیں۔

 ایلون مسک نے ایکس پر پوسٹ کرتے ہوئے لکھا ہے کہ کمیونٹی نوٹس کے ذریعے اپ ڈیٹ ہونے والی پوسٹس ریونیو شیئرنگ کی اہل نہیں ہوں گی۔ اگر آپ کی پوسٹ میں  ایسی معلومات ہیں جو فیک نیوز یا غلط معلومات کے زمرے میں آتی ہیں  کمیونٹی نوٹس انہی پوسٹس کواپ ڈیٹ کرے گا۔

کمیونٹی نوٹس فنکشن کے استعمال سے صارفین  پوسٹس کا سیاق و سباق اور  فیکٹ چیک بھی مہیا کر سکیں گے۔

Making a slight change to creator monetization:

Any posts that are corrected by @CommunityNotes become ineligible for revenue share.

The idea is to maximize the incentive for accuracy over sensationalism.

— Elon Musk (@elonmusk) October 29, 2023

ایلون مسک نے مزید لکھا کہ یہ کام  کرنے کا مقصد یہ ہے کہ پلیٹ فارم پر سنسنی خیز اور فیک نیوز کو کم کیا جاسکے اور صارفین کو صحیح معلومات فراہم کی جاسکیں۔

واضح رہے کہ ایلون مسک کا یہ بیان ایک ایسے وقت میں آیا ہے جب ان کے سوشل میڈیا پلیٹ فارم ’ایکس‘ کو اسرائیل حماس جنگ کے دوران فیک نیوز اور غلط معلومات پھیلانے کا ذریعہ سمجھا جا رہا ہے۔