ڈپٹی چیئرمین قومی احتساب بیورو (نیب) ظاہر شاہ کو عارضی چیئرمین نیب کی ذمہ داریاں تفویض کردی گئیں۔
ظاہر شاہ 22 فروری سے نئے چیئرمین کی خدمات سرانجام دیتے رہیں گے۔
نیب ترمیمی آرڈیننس 1999 کے سیکشن 6 بی کے تحت نوٹیفکیشن جاری کردیا گیا ہے۔
ظاہر شاہ نے 8 اکتوبر 2021 کو بطور ڈپٹی چیئرمین نیب کا عہدہ سنبھالا تھا۔
انہیں ڈپٹی چیئرمین نیب حسین اصغر کے استعفے کے بعد اس عہدے پر تعینات کیا گیا تھا۔
اس سے قبل وہ گریڈ 21 میں ڈی جی آپریشنز نیب کے فرائض سرانجام دے رہے تھے۔ انہوں نے 2002 میں نیب کو جوائن کیا تھا۔
واضح رہے کہ گزشتہ دنوں چیئرمین نیب آفتاب سلطان نے استعفیٰ دیا تھا۔
