قومی ٹیم کے فاسٹ بولر شاہین آفریدی تیز ترین 100 وکٹیں لینے والے بولرز کی فہرست میں شامل ہوگئے۔
شاہین شاہ آفریدی نے 51 میچز میں 100 ون ڈے وکٹیں مکمل کیں جب کہ آسٹریلیا کے مچل اسٹارک نے 52 میچز میں 100 وکٹیں مکمل کی تھیں۔
شاہین آفریدی 100 وکٹیں لینے والے تیز ترین پاکستانی بھی بن گئے ہیں۔ انہوں نے یہ اعزاز آئی سی سی کرکٹ ورلڈکپ 2023 میں بنگلادیش کے خلاف میچ میں حاصل کیا جس میں انہوں نے اپنے پہلے ہی اوور میں بنگلادیشی اوپنر تنزید حسن کو صفر پر آؤٹ کیا۔
سابق پاکستانی اسپنر ثقلین مشتاق نے یہ سنگ میل 53 ون ڈے میچز میں عبور کیا تھا، نیپال کے سندیپ لمیچانے نے 42 اور افغانستان کے راشد خان نے 44 میچز میں یہ کارنامہ سرانجام دیا تھا۔ مجموعی طور پر شاہین تیز ترین 100 وکٹیں لینے والے تیسرے بولر ہیں۔
شاہین شاہ رواں ورلڈ کپ میں سب سے زیادی وکٹیں لینے والے بولر بھی بن گئے ہیں۔ انہوں نے اب تک 07 میچز میں 16 وکٹیں حاصل کی ہیں، آسٹریلیا کے ایڈم زمپا نے نے بھی 16وکٹیں حاصل کر رکھی ہیں اور وہ دوسرے نمبر پر ہیں۔
سوشل میڈیا پر شاہین شاہ آفریدی اس وقت ٹاپ ٹریند بن چکے ہیں اور صارفین ان کی لینڈ مارک کارکردگی پر دلچسب تبصرے کر رہے ہیں۔
اسپورٹس صحافی جونز نے سماجی رابطے کی ویب سائٹ ایکس پر شاہین شاہ آفریدی کے کارنامے پر پوسٹ کرتے ہوئے لکھا کہ شاہین شاہ نے 100 وکٹیں مکمل کر لیں، وہ ابھی صرف 23 سال کے ہیں، وہ ایک اسٹار بن رہے ہیں۔
Shaheen Shah Afridi completed 100 wickets in ODIs.
– He is just 23 years old, A star in making. pic.twitter.com/3IugVqCuKI
— Johns. (@CricCrazyJohns) October 31, 2023
خدیجہ نے ایکس پر اپنی پوسٹ میں لکھا کہ بہت خوبصورت، بہت عمدہ، یہ بہترین کارکردگی ہے۔
So beautiful, so elegant, just looking like a wowww 🦅#PAKvsBAN #BabarAzam𓃵 #ShaheenShahAfridi #BANvsPAK #GOAT𓃵 pic.twitter.com/suUhWQ0MUe
— K H A D I J A (@krazy_khadija) October 31, 2023
حسن زاہد نامی ایکس صارف نے شاہین شاہ آفریدی کو مبارک باد دیتے ہوئے لکھا کہ ’میرا شاہین واپس آگیا‘۔
Shaheen Shah Afridi became the fastest pacer to take 100 ODI wickets in just 50 innings My Eagle is Back 😭❤️#PAKvsBAN pic.twitter.com/ZiTVtwCMiI
— 𝗛𝗮𝘀𝘀𝗮𝗻 𝗭𝗮𝗵𝗶𝗱¹⁰ | 🇦🇪 (@Iam_hassan10) October 31, 2023
سوشل میڈیا صارفین سابق بھارتی ہیڈ کوچ و کمنٹیٹر روی شاستری پر تنقید کرتے بھی نظر آئے۔ روی شاستری نے شاہین شاہ آفریدی پر تنقید کرتے ہوئے کہا تھا کہ شاہین شاہ آفریدی ایک معمولی بولر ہیں۔
عمران صدیق نے ایکس پر شاہین شاہ آفریدی کی 100 وکٹیں مکمل کرنے کی تصویر شیئر کرتے ہوئے لکھا کہ ’ہیلو روی شاستری، کولکتہ میں سرف دستیاب ہے کیا‘؟
Hi Ravi Shastri ? Surf available in Kolkata pic.twitter.com/3ulECgFG9W
— ٰImran Siddique (@imransiddique89) October 31, 2023
ایک اور ایکس صارف نجم علی نے اپنی پوسٹ میں روی شاستری پر تنقید کرتے ہوئے لکھا کہ ’یہ غیر معمولی شاہین شاہ ہیں آپ کے لیے‘۔
Top wicket taker of the World Cup so far, and fastest to take 100 wickets in ODI.🦅
Thats an extraordinary Shaheen Shah Afridi for you Ravi Shastri.🔥😎#PAKvsBAN | #BANbsPAK | #CWC23#CWC2023 | #WorldCup2023 pic.twitter.com/NrKwSITCqB
— Najam Ali | نجم علی🇵🇰 (@Najam7_) October 31, 2023
واضح رہے کہ شاہین شاہ آفریدی نے 2019 کر ورلڈ کپ میں 05 میچز میں وکٹیں حاصل کی تھیں۔
