میٹا کی زیر ملکیت میسجنگ ایپ واٹس ایپ میں نئے ویڈیو پلے بیک کنٹرولز کا اضافہ کیا گیا ہے۔ ویب بیٹا انفو کی رپورٹ کی مطابق یہ نیا فیچر ویڈیو پلے بیک میں مددگار ثابت ہوگا۔
واٹس ایپ کا یہ نیا فیچر اینڈرائیڈ ڈیوائسز کے لیے واٹس ایپ کے بیٹا ورژن میں متعارف کروایا گیا ہے۔
رپورٹ کے مطابق اس فیچر کو استعمال کرتے ہوئےصارفین ویڈیوز کو 10 سیکنڈ ریوائنڈ اور 10 سیکنڈ فارورڈ کر سکیں گے جس کے لیے انہیں بس اسکرین پر 2 بار کلک کرنا ہوگا۔
یہ فیچر بیٹا ورژن میں دیا گیا ہے جبکہ بقیہ صارفین کے لیے اس کو کب متعارف کرایا جائے گا اس کی تاریخ ابھی تک سامنے نہیں آئی۔
واضح رہے کہ فی الحال ابھی واٹس ایپ پر ویڈیو دیکھتے ہوئے اسے ریوائنڈ یا فارورڈ کرنے کے لیے پروگریس بار پر انگلی کو آگے پیچھے کرنا پڑتا ہے۔
