پاکستان اور ترکیہ کے نجی پروڈکشن ہاؤسز کے اشتراک سے بنائے جانے والا میگا بجٹ ڈرامہ ’صلاح الدین ایوبی‘ 13 نومبر 2023 سے ہر سوموار کی رات 9 بجے ترکیہ کے مشہور ٹی وی چینل ٹی آر ٹی پر دکھایا جائے گا۔
ڈرامہ صلاح الدین ایوبی کی پروڈیوسر ٹیم میں شامل پاکستانی اداکار عدنان صدیقی نے سماجی پلیٹ فارم ایکس پر ڈرامے کا پوسٹر شیئر کرکے ڈرامے کے نشر ہونے کی تاریخ کا اعلان کیا ہے۔
Sultan Eyubbi, the distinguished warrior who became the first sultan of Egypt and Syria. Starting November 13th, the Selahaddin Eyyubi series premieres on TRT every Monday at 9 PM.#TRTseries #comingsoon pic.twitter.com/7drXB9nfOL
— Adnan Siddiqui (@adnanactor) November 4, 2023
ٹی آر ٹی کے آفیشل سوشل میڈیا پلیٹ فارم انسٹاگرام پر بھی ڈرامے کے نشر ہونے کی تاریخ کا اعلان کیا گیا ہے۔ مختصر دورانیے کے ٹریلر میں صلاح الدین ایوبی کے مرکزی کردار اغور غنيش سمیت دیگر صلیبی کرداروں کو بھی دکھایا گیا ہے۔
دسمبر 2021 میں تاریخی ڈرامہ سیریز صلاح الدین ایوبی کو بنانے کا اعلان کیا گیا تھا، جس کے لیے پاکستان سے انصاری فلمز اور ترکیہ کے ایکلی فلمز کے درمیان اگست 2021 میں سربیا میں معاہدہ طے ہوا تھا۔
View this post on Instagram
ابتدائی اطلاعات کے مطابق ڈرامہ ترکیہ میں نشر کرنے کے بعد پاکستان میں اردو ڈبنگ میں پیش کیا جائے گا۔ ڈرامہ انگریزی اور عربی زبان میں بھی ڈب کرکے مختلف سٹریمنگ ویب سائٹس پر بھی ریلیز کیا جائے گا۔
