خصوصی سرمایہ کاری سہولت کونسل (SIFC) کا روڈ شو برائے سرمایہ کاری کا آغاز متحدہ عرب امارات میں ہو گیا۔
خصوصی سرمایہ کاری سہولت کونسل(SIFC) یونائیٹڈ اسٹیٹ ایجنسی فار انٹرنیشنل ڈویلپمنٹ (USAID)کے تعاون سے متحدہ عرب امارات میں روڈ شو برائے سرمایہ کاری منعقد کر رہی ہے۔
روڈ شو میں سرمایہ کاری کے ماحول کو بہتر بنانے کے لیے سرمایہ کاری سہولت کونسل کی کاوشوں سے متعلق آگاہی دی جائے گی، روڈ شو5 تا7 نومبر تک جاری رہے گا، جس میں متحدہ عرب امارات اور دیگر ممالک سے سرمایہ کار شرکت کریں گے۔
Three-day Roadshow for Investment organized by Special Investment Facilitation Council in collaboration with USAID will begin in UAE from today@PakinUAE_ @sifcpakistan #News #BreakingNews #RadioPakistan https://t.co/YcpFv7rX16
— Radio Pakistan (@RadioPakistan) November 5, 2023
نگراں وزیراعظم انوار الحق کاکڑ کے معاون خصوصی اور ڈائریکٹر جنرل SIFC سرمایہ کاروں سے خصوصی گفتگو کریں گے، روڈ شو میں پاکستان میں موجود گراں قدر وسائل اور سرمایہ کاری کے مواقع سے متعلق آگاہی دیں گے۔
اس موق پر پاکستان کی جانب سے معدنیات، انفارمیشن ٹیکنالوجی، زراعت اور توانائی کے شعبوں میں غیر ملکی سرمایہ کاروں کو پاکستان میں سرمایہ کاری کے راغب کیا جائے گا۔
روڈ شو میں خصوصی سرمایہ کاری سہولت کونسل(SIFC) سے متعلق بریفنگ بھی دی جائے گی۔
