راولپنڈی میں اڈیالہ جیل کے نواحی علاقے گورکھپورمیں ملنے والے مشکوک بیگ سے ایک کلو 200 گرام بارودی مواد برآمد ہوا جسے بم ڈسپوزل اسکواڈ نے ناکارہ بنا دیا ہے۔
پولیس ذرائع کے مطابق اہل علاقہ نے مشکوک بیگ دیکھ کر پولیس کو اطلاع دی، جس پر بم ڈسپوزل اسکواڈ کو طلب کیا گیا۔ مشکوک بیگ سے کمپیوٹر ہارڈ ڈرائیو اور کچھ تاریں ملیں جبکہ بارودی مواد کمپیوٹر ہارڈ ڈرائیو میں نصب تھا۔
بارودی مواد کے حوالے سے تاحال کسی ادارے نے بیان جاری نہیں کیا جبکہ پولیس کا کہنا ہے بارودی مواد کے حوالے سے تھانہ سی ٹی ڈی میں مقدمہ درج کیا جائے گا۔
