بھارت میں جاری آئی سی سی مینز ون ڈے ورلڈ کپ کے 39 ویں میچ میں آسٹریلین بیٹر گلین میکسویل نے ناقابل یقین بیٹنگ کرتے ہوئے افغانستان کے جبڑوں سے فتح چھین لی۔ میکسویل کی 128 گیندوں پر 201 رنز کی دھواں دار ناقابل شکست اننگز کی بدولت آسٹریلیا نے افغانستان کو 3 وکٹوں سے شکست دے کر سیمی فائنل کے لیے کوالیفائی کرلیا۔
آسٹریلیا نے افغانستان کا 292 رنز کا ہدف 7 وکٹوں کے نقصان پر 47 ویں اوور میں حاصل کیا۔ گلین میکسویل نے ایک روزہ میچز کی وہ اننگز کھیلی جو صدیوں تک یاد رکھی جائے گی۔
سوشل میڈیا پر بھی ہر طرف گلین میکسویل کے افغان بولرز پر کیے گئے لاٹھی چارج کے چرچے ہیں۔
سابق بھارتی بیٹر وسیم جعفر نے سماجی رابطے کی ویب سائٹ ایکس پر اپنی پوسٹ میں معروف ریسلر انڈر ٹیکر کی تابوت سے نکلنے کی تصویر شیئر کی اور لکھا کہ ’میسکویل نے اس میم کو سچ میں تبدیل کر دیا‘۔
Maxi turned this meme into reality today 😮🙌🏽 #AUSvAFG #CWC2023 pic.twitter.com/eMCPaIDwSi
— Wasim Jaffer (@WasimJaffer14) November 7, 2023
انگلینڈ ٹیم کے ٹیسٹ کپتان اور آل راؤنڈر بین اسٹوکس نے میکسویل کی اننگز پر انہیں داد دیتے ہوئے لکھا کہ ’ او مائی گُڈ نیس میکسی‘۔
My goodness Maxi 😮😮😮
— Ben Stokes (@benstokes38) November 7, 2023
ایک بھارتی ایکس صارف نے میکسویل کی اننگز پر اپنی پوسٹ میں لکھا کہ ’دنیا آپکو سیلوٹ کری ہے اور اس اننگز کو صدیوں تک یاد رکھا جائے گا‘۔
WHY BOTHER WHEN MAXI IS HERE….!!!!
The world will salute and remember this knock for ages…!!! pic.twitter.com/JCupmDX8VA
— Mufaddal Vohra (@mufaddal_vohra) November 7, 2023
معروف بھارتی کمنٹیٹر نے ہرشا بھوگلے نے میسکویل کو داد دیتے ہوئے لکھا کہ ‘گلین میکسویل نے تاریخ میں اپنا نام امر کر لیا ہے، یہ اننگز اب تک ایک روزہ میچز میں کھیلی گئی تمام اننگز میں سے بہترین اننگز ہے‘۔
Maxwell's place in history just got guaranteed. It has to be the greatest white ball innings played
— Harsha Bhogle (@bhogleharsha) November 7, 2023