گلگت بلتستان میں سوفٹ ویئر ٹیکنالوجی ہاؤسز کے قیام سے نوجوان بالخصوص لڑکیاں فری لانسنگ کے ذریعے ماہانہ معقول آمدن کمانے کے قابل ہو چکی ہیں، ضلع غذر سے تعلق رکھنے والی شکیلہ کی انفارمیشن ٹیکنالوجی میں مہارت اور قابلیت سے بیرون ملک کمپنیاں بھی فری لانس بنیادوں پر استفادہ کررہی ہیں۔
شکیلہ نے غذر سوفٹ ویئر ٹیکنالوجی پارک میں اپنی کمپنی بنائی ہے جس سے نہ صرف وہ خود پیسے کما رہی ہیں بلکہ علاقے کے دیگر نوجوانوں کے لیے بھی روزگار کمانے کے مواقع پیدا کر رہی ہیں۔
شکیلہ پہلے غذر میں انٹرنیٹ کی سہولت نہ ہونے کی وجہ سے گلگت شہر میں رہ کر فری لانس کام کر رہی تھیں مگر اب گھر کی دہلیز پر سہولتوں کی دستیابی نے ان کو اپنا کام بہتر طریقے سے کرنے کا موقع فراہم کیا ہے۔
مزید جانیے شیریں کریم کی اس ویڈیو رپورٹ میں۔۔۔
