حج 2024 کے لیے درخواستوں کی وصولی کا آغاز ہو گیا ہے۔ سرکاری حج اسکیم کے تحت 15 نامزد بینکوں میں حج درخواستوں کی وصولی 27 نومبر سے 12 دسمبر تک جاری رہے گی۔ پہلی بار خواتین حجاج محرم کے بغیر بھی حج کی سعادت حاصل کر سکیں گی۔
وزارت مذہبی امور سے جاری اعلامیہ میں کہا گیا ہےکہ آئندہ برس قریباً 89 ہزار 605 پاکستانی سرکاری اسکیم کے تحت فریضہ حج ادا کریں گے۔ مقررہ تعداد سے زائد درخواستیں موصول ہونے کی صورت میں قرعہ اندازی کی جائے گی۔
مزید پڑھیں
خواتین پہلی بار محرم کے بغیر حج ادا کرسکیں گی۔ وزارت مذہی امور کا کہنا ہے کہ 16 دسمبر 2024 تک کارآمد پاکستانی پاسپورٹ پر درخواستیں جمع کروائی جا سکیں گی۔ ریگولر حج سکیم کے تحت موصول ہونے والی درخواستوں پر قرعہ اندازی کی جائے گی۔
پاسپورٹ اپلائی کرنے کے ٹوکن پر بھی حج درخواست قابل قبول ہوں گی۔ سپانسرشپ سکیم کے تحت 25 ہزار نشستیں پہلے آئیے پہلے پائیے کی بنیاد پر جمع ہوں گی۔
