ابھیشیک بچن اور ایشوریہ رائے بچن، جو بالی ووڈ کے سب سے پیارے جوڑیوں میں سے ایک ہیں، یہ جوڑی 16 سال سے کامیاب ازدواجی زندگی گزار رہی ہے۔ ان کی ایک بیٹی آرادھیا بچن بھی ہے، تاہم سوشل میڈیا پر یہ قیاس آرائیاں جاری ہیں کہ بالی وڈ کی اس جوڑی کے تعلقات میں دراڑ آ گئی ہے۔
یہ قیاس آرائیاں اس وقت شروع ہوئیں جب ایشوریہ رائے کے شوہر ابھیشیک بچن نے ایک عوامی تقریب میں شرکت کی، تصاویر انسٹاگرام پر آئیں جن میں ابھیشک بچن نے شادی کی انگوٹھی نہیں پہنی ہوئی۔
ایک Reddit صارف نے لکھا کہ ‘ابھیشیک نے اپنی شادی کی انگوٹھی اپنی حالیہ نمائش میں نہیں پہنی ہے جو وہ ہمیشہ پہنتے آئے ہیں۔’ ان قیاس آرائیوں کو اس لیے بھی تقویت مل رہی ہے کہ آج کل ایشوریہ رائے بچن اپنی بیٹی آرادھیا کے ساتھ اکثر تنہا نظر آ رہی ہیں۔
دوسری طرف اس بالی وڈ جوڑی کے بہت سے مداح پرامید ںظر آرہے ہیں کہ اس جوڑی کے درمیان میں نجی زندگی سے ہٹ کر پیشہ ورانہ وابستگی بھی ہے، اس لیے بالی وڈ کی یہ جوڑی جلد ایک ساتھ عوام میں نظر آئے گی۔
بعض سوشل میڈیا صارفین کا خیال ہے کہ بچن خاندان میں طلاق ناممکن ہے، ایک صارف نے ایکس پر تبصرہ کیا کہ ‘میں نے ایکس پر کسی کو اس کا ذکر کرتے دیکھا، پتہ نہیں یہ کتنا سچ ہے لیکن میں ہمیشہ یہی سوچتا ہوں کہ بچن خاندان میں طلاق ناممکن ہے، اس کی توقع نہیں کی جاسکتی۔’
ایشوریا اور ابھیشیک کے درمیان علیحدگی کی افواہوں کے درمیان بعض لوگوں کا یہ بھی کہنا ہے کہ جب تک امیتابھ بچن زندہ ہیں، وہ ان دونوں کے درمیان علیحدگی ہونے نہیں دیں گے۔
