مشہور ٹیلی ویژن کرائم شو ’سی آئی ڈی‘ میں انسپیکٹر فریڈرکس (فریڈی) کا کردار ادا کرنے والے اداکار دنیش فیڈنس 57 سال کی عمر میں ممبئی میں انتقال کر گئے۔
کرائم شو ’سی آئی ڈی‘ میں ’دیا‘ کا کردار ادا کرنے والے اداکار دیانند شیٹی نے دنیش فیڈنس کی موت کی خبر کی تصدیق کی ہے۔ دیانند شیٹی نے کہا کہ دنیش نے گزشتہ شب 12 بج کر8 منٹ پر آخری سانس لی تھی۔
مزید پڑھیں
دنیش فیڈنس ممبئی کے ٹنگا اسپتال میں زیرعلاج تھے۔ دنیش کی موت ایک سے زیادہ اعضاء کی خرابی کی وجہ سے ہوئی ہے۔ وہ گزشتہ کچھ دنوں سے وینٹی لیٹر پر تھے اور کئی مسائل کی وجہ سے انہیں گزشتہ روز ہی وینٹی لیٹر سے ہٹایا گیا تھا۔
واضح رہے کہ دنیش فڈنیس گزشتہ 20 برس سے کرائم شو ’سی آئی ڈی‘ میں اپنی فنکارانہ صلاحتوں کا مظاہرہ کر رہے ہیں۔ جرائم کی کہانیوں پر مبنی یہ ڈرامہ 1998 کے بعد سے ہندوستان میں سب سے طویل عرصے تک جاری رہنے والا ٹیلی ویژن شو ہے جو سونی ٹی وی پر نشر ہو رہا ہے۔ یہی نہیں دنیش فڈنیس کامیڈی سیریل ’طارق مہتا کا الٹا چشمہ‘ میں بھی مختصر کردار ادا کر چکے ہیں۔
