اگلی بار ہیلمٹ پہن کر عوام میں جاؤں گا:شیر افضل مروت

گزشتہ روز خیبر پختونخوا کے جنوبی ضلع کوہاٹ میں ہونے والے پاکستان تحریک انصاف کے ورکرز کنونشن کی ویڈیوز سماجی رابطے کی ویب سائٹ ایکس پر خوب وائرل ہو رہی ہیں جس میں دیکھا جا سکتا ہے کہ تحریک انصاف کے حامی کارکنان نےسینئر نائب صدر شیر افضل مروت کو گھیرا ہوا ہے اور ان کو کبھی بالوں سے تو کبھی ان کے کپڑوں سے پکڑنے کی کوشش کرتے ہوئے ان سے اپنی عقیدت کا اظہار کر رہے ہیں۔ ؔ

ویڈیو کلپ وائرل ہوئی تو شیر افضل مروت نے بھی سماجی رابطے کی ویب سائٹ ایکس کا رخ کیا اور وہ ویڈیو شیئر کرتے ہوئے مزاحیہ انداز میں لکھا میں اگلی بار ہیلمٹ ‘پہن کر عوام میں جاؤں گا

Next time, I will enter public in a Helmet😂
اگلی بار، میں ہیلمٹ پہن کر عوام میں جاؤں گا۔ pic.twitter.com/7pyjOu9SR7

— Sher Afzal Khan Marwat (@sherafzalmarwat) December 11, 2023

اسی پوسٹ کے ساتھ ہی انہوں نے ایک اور پوسٹ شیئر کی جس میں انہوں نے لکھا کہ میں باجوڑ اور کوہاٹ کے عوام کا شکریہ ادا کرتا ہوں کہ انہوں نے عمران خان کے مقصد کو آگے بڑھانے کے لیے بے پناہ محبت اور حمایت کی۔

I thank the people of Bajour and Kohat for their immense affection and support for carrying Imran Khan's cause.

— Sher Afzal Khan Marwat (@sherafzalmarwat) December 11, 2023

واضح رہے کہ گزشتہ روز کوہاٹ کی ضلعی انتظامیہ پی ٹی آئی کو ورکرز کنونشن کے انعقاد کے لئے اجازت نہ دینے کا اعلان کیا تھا جس کے باجود پی ٹی آئی نے جنانا ملز گراؤنڈ میں کنونشن کیا، جس سے شیر افضل مروت نے بھی خطاب کیا۔