ملک بھر میں انٹرنیٹ صارفین کو سوشل میڈیا ویب سائٹس تک رسائی میں مشکلات کا سامنا ہے۔
پاکستان ٹیلی کمیونیکیشن اتھارٹی (پی ٹی اے) کا اسی تناظر میں بیان سامنے آ گیا ہے۔
پی ٹی اے کی جانب سے جاری بیان میں کہا گیا کہ ملک بھر میں انٹرنیٹ معطلی تکنیکی خرابی کی وجہ سے پیش آئی ہے۔ جسے درست کرکے انٹرنیٹ کو ملک بھر میں مکمل طور پر بحال کر دیا گیا ہے۔
واضح رہے کہ آج بروز ہفتہ پاکستان تحریک انصاف کا آن لائن جلسہ بھی جاری ہے۔ جس سے ملک اور ملک سے باہر سینیئر رہنما خطاب کر رہے ہیں۔
اس سے پہلے گزشتہ ماہ دسمبر میں بھی پی ٹی آئی کے آن لائن جلسے کے دوران ملک بھر میں انٹرنیٹ سروس ڈاؤن تھی۔ جس پر پی ٹی آئی کی جانب سے دعویٰ کیا گیا تھا کہ ہمارے آن لائن جلسے میں خلل ڈالنے کے لیے حکومت نے انٹرنیٹ سروسز ڈاؤن کی ہیں۔
پی ٹی اے کی جانب سے جاری بیان سوشل میڈیا ٹرولز کے نشانے پر ہے اور مزے مزے کے تبصرے کیے جا رہے ہیں۔
سینیئر کورٹ رپورٹر ثاقب بشیر نے پی ٹی اے کی پوسٹ پر سوال اٹھایا کہ جب بھی کوئی آن لائن سیاسی سرگرمی ہوتی ہے تو ایسا کیوں ہو جاتا ہے ؟ دونوں کا آپس میں کوئی تعلق ہوتا ہے؟
جب بھی کوئی آن لائن سیاسی ایکٹیویٹی ہوتی ہے تو یہ کیوں ہو جاتا ہے ؟ دونوں کا آپس میں کوئی تعلق ہوتا ہے ؟ https://t.co/sPv46ObzuD
— Saqib Bashir (@saqibbashir156) January 20, 2024
ایک اور خاتون صحافی مقدس فاروق اعوان نے تبصرہ کرتے ہوئے لکھا کہ تکنیکی خرابی نہیں نیت کی خرابی ہے۔
تکنیکی خرابی یا نیت کی خرابی https://t.co/d7TZFzPqZo
— Muqadas Farooq Awan (@muqadasawann) January 20, 2024
ایک اور سوشل میڈیا صارف نے پی ٹی اے کی جانب سے کی گئی وضاحت پر میم شیئر کرتے ہوئے لکھا کہ بس بیٹا تم سے نہ ہو پائے گا۔
بس بیٹا تم سے نہیں ہوپائے ہوگا @PTAofficialpk https://t.co/7qouz8x9Ud pic.twitter.com/Q7tu4NXn4D
— Fah (@Fahimbahi) January 20, 2024
حمزہ خان نامی صارف نے 3 اڈیٹ فلم کی ایک جھلک کا سہارا لیتے ہوئے لکھا کہ ’نہیں نہیں تو جھوٹ بول رہا ہے۔
Check Hidden Replies Guys 🤣😂 https://t.co/7q47S0IKOf pic.twitter.com/kOIj0cIPjv
— Hamza Khan (@HamxaaTweets) January 20, 2024
پی ٹی اے نے ٹرولنگ سے بچنے کے لیے پوسٹ کے کمینٹ سیکشن کو بھی بند کر دیا ہے۔
یوسف نامی صارف نے پوسٹ شیئر کرتے ہوئے لکھا کہ ’تو اس میں کمنٹ بند کرنے کی کیا بات تھی؟ کس چیز کا خوف ہے آپ کو؟‘
تو اس میں کمنٹ بند کرنے کی کیا بات تھی؟؟
کس چیز کا خوف ہے آپ کو ؟#عمران_کا_پلڑا_بھاری_ہے#PTIVirtualJalsa https://t.co/qIjZNuJVWT— Yousaf (@theYousafR) January 20, 2024
