پاکستان کے سینیئر اداکار ساجد حسن استحکام پاکستان پارٹی (آئی پی پی)میں شامل ہو گئے ہیں۔
آئی پی پی سندھ کے صدر محمود مولوی نے ساجد حسن کو استحکام پاکستان پارٹی میں خوش آمدید کہا اور پارٹی پرچم والا مفلر پہنایا۔
شوبز کی معروف شخصیت ساجد حسن استحکام پاکستان پارٹی میں شامل, صوبائی صدر محمود مولوی نے ساجد حسن کو پارٹی پرچم مفلر پہنا کر پارٹی میں خوش آمدید کہا، استحکام پاکستان پارٹی کے جنرل سیکریٹری علی جونیجو، سید علی حسین نقوی، رضوان خان، مسرت شاہ اور دیگر بھی موجود.#IPP #IPPSindh… pic.twitter.com/xWxzZRwtYH
— Istehkam-E-Pakistan Party – Sindh Chapter (@IPPSindh) January 21, 2024
اس موقع پر ساجد حسن نے کہاکہ ہمیں ملک میں انتشار پھیلانے کے بجائے اتحاد کی سیاست کرنی ہے، ہم سمجھتے ہیں کہ نوجوانوں اور ملک کے لیے کچھ کرنا چاہیے۔
ساجد حسن کی شمولیت کے موقع پر استحکام پاکستان پارٹی سندھ کے صدر محمود مولوی نے کہاکہ ساجد حسن کا شوبز اور صنعتی انڈسٹری میں ایک مقام ہے، ہم انہیں استحکام پاکستان پارٹی میں خوش آمدید کہتے ہیں۔
واضح رہے کہ آئی پی پی کے سربراہ جہانگیر ترین ہیں اور یہ جماعت حال ہی میں وجود میں آئی ہے۔
استحکام پاکستان پارٹی نے عام انتخابات میں پنجاب کی کچھ نشستوں پر مسلم لیگ ن کے ساتھ سیٹ ایڈجسٹمنٹ کی ہوئی ہے۔
