امریکی ریاست انڈیانا میں پولیس نے اونٹوں اور زیبرا سمیت سرکس کے جانوروں کو جل کر مرنے سے بچا لیا۔
پولیس اور شیرف کے حکام کا کہنا ہے کہ انہوں نے زیبرا اور اونٹ سمیت سرکس کے ان جانوروں کو بچالیا جو انڈیانا ہائی وے پر سفر کے دوران ایک ٹریکٹر ٹریلر میں آگ لگ جانے سے موت کے خطرے سے دوچار تھے۔
شیرف ڈیپارٹمنٹ کے مطابق ماریون، انڈ کے قریب شمال کی طرف جانے والی انٹراسٹیٹ 69 پر ٹریفک اس وقت بند ہو گئی جب جانوروں کو لے جانے والی گاڑی میں علی الصبح آگ لگ گئی۔
A truck hauling zebras and camels for a circus caught fire on a northeastern Indiana highway, prompting a police rescue of the animals, which roamed along the freeway, some munching on grass. https://t.co/g8Hwic07e5
— NBC News (@NBCNews) January 29, 2024
حکام نے بتایا کہ انڈیانا اسٹیٹ ٹروپر ایڈورڈ ٹائٹس اور گرانٹ کاؤنٹی کے نائب جوشوا کینیڈی ٹریلر میں داخل ہوئے اور جانوروں کو بچانے میں کامیاب رہے۔
دونوں نے فورٹ وین میں شرائن سرکس کے ایک کارکن کے ساتھ مل کر 5 زیبرا، 4 اونٹ اور ایک چھوٹے گھوڑے کو ٹریلر سے بچایا۔
شیرف کے محکمے نے کہا کہ موقع پر موجود اضافی افسران تمام جانوروں کو محفوظ کرنے میں کامیاب رہے جب تک کہ شرائن سرکس سے دوسرے ٹرک نہ پہنچ جائیں۔
Indiana police rescued circus animals, including zebras and camels, after a trailer transporting them caught fire on a highway. https://t.co/bA4iYuRBEh pic.twitter.com/TPbiSaNZHz
— ABC News (@ABC) January 28, 2024
کوئی جانور زخمی یا لاپتا نہیں تھا لیکن ٹائٹس اور کینیڈی کی طبیعت دھویں کے باعث خراب ہوگئی جنیہں طبی امداد فراہم کی گئی۔
ریاستی پولیس کی جانب سے حادثے کی ابتدائی تحقیقات سے معلوم ہوا ہے کہ کچھ آلات میں خرابی کے باعث آگ لگی۔
شیرف کے محکمے نے فیس بک پر پوسٹ کیا کہ اطلاع دینے کے لیے شکر گزار ہوں کہ اس میں شامل تمام جانوروں کی جان بچا لی گئی اور انہیں کوئی نقصان نہیں پہنچا۔
