پاکستان میں عام انتخابات کا جائزہ لینے کے لیے آنے والے کامن ویلتھ مبصر گروپ نے پولنگ کے عمل کو شفاف قرار دیا ہے اورا س پر اطمینان کا اظہار کیا ہے۔
تفصیلات کے مطابق، ملک میں عام انتخابات کا جائزہ لینے کے لیے الیکشن کمیشن کی جانب سے مدعو کیے گئے بیرون ملک سے آنے والے مختلف مبصرین، صحافی اور آبزرورز نے ووٹنگ کی صورتحال کا جائزہ لینا شروع کر دیا ہے۔
Related Posts
اس سلسلے میں کامن ویلتھ مبصر گروپ کے 25 رکنی وفد نے اسلام آباد کے مختلف پولنگ اسٹیشنز کا دورہ کیا۔ حلقہ این اے 47 کے مختلف پولنگ اسٹیشنز کے دورے کے دوران کامن ویلتھ مبصر وفد نے پولنگ کے عمل کو شفاف کرار دیا اور اطمینان کا اظہار کیا۔
’انٹرنیٹ سے زیادہ اہم ووٹ ڈالنا ہے‘
اس موقع پر میڈیا سے گفتگو کرتے ہوئے کامن ویلتھ کے مبصر گروپ کے سربراہ نے کہا کہ عام انتخابات کے پولنگ عمل سے مطمئن ہیں، دنیا میں انٹرنیٹ سروس متعارف ہونے سے قبل بھی ہم الیکشن کرا رہے تھے، انٹرنیٹ سے زیادہ اہم ووٹ ڈالنا ہے۔ انہوں نے کہا کہ ووٹنگ عمل میں انٹرنیٹ کی ضرورت نہیں البتہ نتائج بھیجتے وقت انٹرنیٹ بندش سے مسئلہ ہوگا۔
واضح رہے کہ کامن ویلتھ مبصرین کے دوروں کا مقصد پاکستان میں انتخابی عمل کی نگرانی ہے۔
