آسکر ایوارڈ یافتہ ہالی ووڈ ہدایتکار ایلکس گبنی نے دنیا کے امیر ترین شخص ایلون مسک کی زندگی پر فلم بنانے کا اعلان کر دیا۔
غیر ملکی رپورٹس کے مطابق ٹوئٹر اور ٹیسلا کے سی ای او ایلون مسک کی زندگی پر ہالی ووڈ ہدایتکار ایلکس گبنی نے دستاویزی فلم بنانے کا اعلان کیا ہے جس کی عکس بندی بھی شروع کر دی گئی ہے۔
ٹوئٹر کے سی ای او ایلون مسک کا کہنا ہے کہ ان کی زندگی پر بنائی جانے والی فلم ہٹ ہو جائے گی۔
میڈیا رپورٹس کے مطابق ہدایتکار ایلکس گبنی نے کہا ہے کہ کئی ماہ پہلے ہی فلم کی شوٹنگ کے کام کا آغاز کر دیا تھا جبکہ اس فلم کو بنانے کے لیے وہ کافی پرجوش ہیں۔
ہدایتکار گبنی کا کہنا ہے کہ بلاشبہ ایلون مسک موجودہ وقت کی بااثر شخصیات میں سے ایک ہیں تاہم ایلون مسک نے خدشہ کا اظہار کیا ہے کہ مذکورہ دستاویزی فلم سے ان کی ساکھ کو نقصان پہنچ سکتا ہے۔
