وزیر اعلیٰ خیبرپختونخوا علی امین گنڈاپور کی خصوصی ہدایت پر بارشوں سے حادثات کے نتیجے میں جاں بحق افراد کے لیے 3 کروڑ 90 لاکھ روپے جاری کردیے گئے۔
مزید پڑھیں
ڈائریکٹر جنرل پی ڈی ایم اے محمد قیصر خان کے مطابق ضلعی انتظامیہ نے 37 جاں بحق افراد کے ورثا میں امدادی چیکس تقسیم کر دیے ہیں۔
متعلقہ ضلعی انتظامیہ کے مطابق یہ چیکس سوات، باجوڑ، چارسدہ، دیرلوئر، دیراپر، ایبٹ آباد، مانسہرہ، مردان، مہمند، بنوں، خیبر، صوابی اور لکی مروت میں تقسیم کیے گئے ہیں۔
دریں اثنا وزیراعلیٰ خیبرپختونخوا علی امین گنڈاپور کا کہنا ہے کہ متاثرین کو بروقت ریلیف پہنچانے کے لیے تمام وسائل بروئے کار لائے جا رہے ہیں۔ انہوں نے مزید کہا کہ متاثرہ افراد کو مشکل گھڑی میں تنہانہیں چھوڑا جائے گا۔
