سعودی عرب کے ایک اعلیٰ سطحی وفد نے آج روڈ ٹو مکہ پراجیکٹ کے سلسلے میں کراچی جناح انٹرنیشنل ایئرپورٹ کا دورہ کیا۔ دورے کا مقصد حج زائرین کے لیے کراچی ایئرپورٹ پر سعودی امیگریشن سہولیات کے لیے ممکنہ مقامات کا سروے کرنا ہے۔
مزید پڑھیں
سعودی سفیر کی قیادت میں سعودی وفد کی سول ایوی ایشن اتھارٹی (سی اے اے)، فیڈرل انویسٹی گیشن ایجنسی (ایف آئی اے) سے ملاقات کی۔اس موقع پر امیگریشن، کسٹمز، ایئرپورٹ سمیت مختلف محکموں کے حکام بھی موجود تھے۔
ملاقات میں ایئرپورٹ سیکیورٹی فورس (ASF) اور اینٹی نارکوٹکس فورس (ANF) حکام بھی موجود تھے۔
جناح انٹرنیشنل ایئرپورٹ میں لاؤنج/ہال/ٹرمینل حتمی طور پر مختص ہونے کے بعد وہاں سعودی اہلکار کاؤنٹرز اور آلات لگا سکیں گے۔
واضح رہے کہ روڈ ٹو مکہ پروجیکٹ کا اسلام آباد ایئرپورٹ پر پہلے ہی کامیابی سے نفاذ ہوچکا ہے۔
