بیٹیاں سب کو پیاری ہوتی ہیں لیکن بالی ووڈ کنگ شاہ رخ خان نے اپنی بیٹی سہانا خان کو فلم نگری میں لانچ کرنے کے لیے انہوں نے ڈیبیو فلم ’کنگ‘ کے لیے اربوں روپے کا رسک لے لیا۔
سجوئے گھوش اور سدھارتھ آنند کی ہدایت کاری میں بننے والی فلم کے لیے 200 کروڑ کا بجٹ مختص کیا گیا ہے۔
بھارتی میڈیا کی رپورٹس کے مطابق فلم میں شاہ رخ خان بھی اہم کردار ادا کریں گے اور لگاتار 3بلاک بسٹر فلموں کے بعد کنگ خان کی نئی فلم بھی انٹرنیشنل معیار کی ہوگی۔ فلم ’کنگ‘ کو انٹرنیشنل معیار کی بنانے کے لیے سدھارتھ آنند ہالی وڈ سے متعدد اسٹنٹ ڈائریکٹرز کو ٹیم میں لانے کے لیے کوشاں ہیں۔
’کنگ‘ کی شوٹنگ کا آغاز رواں برس مئی سے ہوگا اور اسے 2025 کے دوسرے ہاف میں ریلیز کیا جائے گا۔
