پاکستانی ڈراموں کی معروف اور خوبصورت اداکارہ یشما گل کو ایک مخصوص برینڈ کے فروغ کے لیے سوشل میڈیا پر ویڈیو شیئر کرنا مہنگا پڑ گیا۔
مزید پڑھیں
اداکارہ یشما گل نے اپنے انسٹاگرام پر ایک سینیٹری نیپکن برینڈ کی مشہوری کے لیے ایک ویڈیو شیئر کی ہے جس میں انہوں نے پروڈکٹ کی کھل کر تعریفیں بیان کی ہیں۔ یشما کی جانب سے ’اس طرح‘ کی پروڈکٹ کی پروموشن کرنے پر صارفین نے سوشل میڈیا پر طوفان کھڑا کردیا اور اداکارہ کو کھری کھری سنا دیں۔
ویڈیو میں دیکھا جاسکتا ہے کہ یشما خوشی خوشی ایک باکس کھولتی ہیں اور اس میں سے سینیٹری نیپکن نکال کر دکھاتی ہیں اور بتاتی ہیں کہ وہ خود یہ پروڈکٹ استعمال کرتی ہیں۔
یشما پروڈکٹ کی خصوصیات بیان کرتے ہوئے کہتی ہیں کہ یہ پروڈکٹ آرام دہ ہے اور اسے دوبارہ بھی استعمال کیا جاسکتا ہے۔ وہ خواتین کو مشورہ دیتی ہیں کہ انہیں بھی یہ پروڈکٹ استعمال کرنی چاہیے۔
یشما گل کی اس ویڈیو پر سوشل میڈیا صارفین نے غصے اور ناگواری کا اظہار کیا ہے، کسی صارف نے استغفار کیا تے کسی نے انہیں شرم و حیا یاد دلائی۔
View this post on Instagram
ایک صارف نے لکھا، ’استغفراللہ اب یہ بھی ایڈورٹائز کریں گے یہ لوگ، اللہ معاف کرے۔
ایک صارف نے یشما سے درخواست کی کہ آپ کو اپنے فالورز کو یہ سب دکھانے کی ضرورت نہیں تھی، لوگوں کو اس پروڈکٹ کئ بارے میں بتانے کے اور بھی کئی طریقے تھے۔
ایک اور صارف نے لکھا، افسوس ہے افسوس، شرم و حیا والی کوئی بات ہی نہیں رہی۔ ایک دوسرے صارف نے کہا، استغفراللہ ایک یہ کام رہ گیا تھا، کچھ تو مسلمان ہونے کی لاج رکھ لو آپ لوگ۔‘
ایک خاتون صارف نے کہا، ’مجھے لگتا ہے کہ آج کل خواتین میں شرم و حیا نام کی کوئی چیز باقی نہیں بچی، مجھے ان کی بات کی سمجھ آگئی لیکن پروڈکٹ کو اس طرح دکھانا بہت غلط تھا۔‘
