جنوبی افریقہ کرکٹ بورڈ نے ٹی20 ورلڈ کپ 2024 کے لیے ایڈن مارکرم کی قیادت میں 15 رکنی اسکواڈ کا اعلان کردیا۔
جون سے امریکا اور کیریبین میں شروع ہونے والے عالمی میلے کے لیے جنوبی افریقہ ٹیم میں کپتان مارکرم کے علاوہ دیگر کھلاڑیوں میں اوٹ نائل بارٹ مین، جیرالڈ کورٹرزی، کوئنٹن ڈی کاک، بی جورن فارچیون، رضا ہینڈرکس، مارکو جانسن، ہینریک کلاسین، کیشو مہاراج، ڈیوڈ ملر، اینرک نوکیا، کگیسو رباڈا، ریان ریککلٹن، تبریز شمسی اور ٹرسٹن اسٹبس شامل ہیں۔
This is your T20 World Cup Proteas Men’s team South Africa! 🌟 Let's rally behind our squad as they aim to conquer the world stage and bring home the gold! 🏆💥
Stay tuned for the out of this world performances! #T20WorldCup #OutOfThisWorld #BePartOfIt pic.twitter.com/NVwYYsN7cH
— Proteas Men (@ProteasMenCSA) April 30, 2024
آئی سی سی مینز کرکٹ ورلڈ کپ 2023 میں جنوبی افریقہ کی ٹیم کی قیادت کرنے والے ٹیمبا باووما کو ٹیم میں شامل نہیں کیا گیا جبکہ ناندرے برگر اور لُنگی نگیڈی کو بطور ٹریولنگ ریزرو اسکواڈ میں شامل کیا گیا ہے۔
گزشتہ روز نیوزی لینڈ کرکٹ بورڈ نے بھی اپنی ٹیم کا اعلان ایک منفرد انداز میں کیا تھا جس کی ویڈیو سوشل میڈیا پر کافی وائرل رہی۔ جبکہ جنوبی افریقہ اور نیوزی لینڈ کی ورلڈ کپ جرسیوں کی رونمائی بھی کر دی گئی ہے۔
واضح رہے کہ آئی سی سی مینز ٹی 20 ورلڈ کپ 2024 امریکا اور ویسٹ انڈیز کی مشترکہ میزبانی میں ہو رہا ہے اور اب آئی سی سی نے میچوں کے لیے امریکا میں نیویارک، فلوریڈا اور ٹیکساس سمیت 3 وینیوز کا اعلان کردیا ہے۔
