معروف پاکستانی ٹیلی ویژن اداکارہ صبا فیصل نے حال ہی میں نوجوان اداکاروں کے سیٹ پر پیشہ ورانہ رویے میں کمی پر تشویش کا اظہار کیا ہے۔
اداکارہ نے ایک حالیہ ٹی وی پروگرام میں شرکت کے دوران مختلف موضوعات پر بات کی اور نوجوان اداکاروں کے رویے کے حوالے سے بھی اپنے خیالات شیئر کیے۔
یہ بھی پڑھیں: نصیب سے بڑھ کر شہرت ملتی ہے نہ فالوورز، صبا فیصل نے تنقید پر خاموشی توڑ دی
اداکار کا کہنا تھا کہ میں نے اپنے سینیئرز سے بہت کچھ سیکھا ہے لیکن آج کل جونیئرز کو سکھانے کی روایت ختم ہو گئی ہے اور خود جونیئرز میں سیکھنے کی خواہش کم نظر آتی ہے۔ وہ سمجھتے ہیں کہ ہم عقل قل ہیں ہمیں سب آتا ہے۔
انہوں نے مزید کہا کہ جب نئے اداکار سیٹ پر آتے ہیں ہم زیادہ بات چیت نہیں کرتے اور فاصلہ رکھتے ہیں کیونکہ اگر ہم نے انہیں کچھ بتایا تو شاید وہ کہیں کہ معاف کیجیے گا آپ کون ہیں؟۔
صبا فیصل نے کہا کہ آج کل کے نوجوان اداکار بہت ذہین ہیں اور بہت اچھا کام کر رہے ہیں لیکن اب فٹ ورک کی اہمیت ختم ہو گئی ہے، پہلے بہت ریہرسل ہوتی تھی
یہ بھی پڑھیں: ’بہو کو کنٹرول کیسے کیا جائے؟‘، صبا فیصل کے مشوروں پر فضا علی اور مامیا شاہ جعفر کی سخت تنقید
آج کے اداکار تکنیکی طور پر تیار ہیں، لیکن کم از کم کچھ فنکار اپنے قدموں کے کام (فٹ ورک) کو سمجھیں۔ ہم اپنے سینیئرز کے ساتھ سارا وقت گزارتے اور ریہرسل کرتے تھے لیکن آج کل اکثر اداکار یہ بھی نہیں جانتے کہ فٹ ورک کیا ہوتا ہے۔
