بلوچستان کے علاقے دکی میں پے در پے 2 دھماکوں میں ایک شہری ہلاک جبکہ سیکیورٹی اہلکار سمیت متعدد افراد زخمی ہوگئے ہیں۔
مزید پڑھیں
پولیس سے حاصل کردہ ابتدائی معلومات کے مطابق دھماکے دکی کے وسطی علاقے گل منڈی میں ہوئے ہیں، جہاں کوئلے سے لدا ٹرک بارودی سرنگ سے گزررہا تھا جس کے نتیجے میں یکے بعد دیگے 2 دھماکے ہوئے، پہلے دھماکے میں کوئی جانی نقصان نہیں ہوا۔
پولیس کے مطابق دوسرا دھماکا جان لیوا ثابت ہوا جس میں ایک شخص ہلاک اور 18 زخمی ہوئے، زخمیوں میں سیکیورٹی اہلکار بھی شامل ہے۔
پولیس حکام کا کہنا ہے کہ دوسرے دھماکے کی نوعیت معلوم کی جارہی ہے، دھماکے میں جانبر نہ ہونے والے شخص سمیت تمام زخمیوں کو قریبی اسپتال منتقل کردیا گیا ہے۔
