حیدرآباد کے علاقے کچا قلعہ مکی شاہ روڈ سے متصل ریلوے ٹریک کے قریب کریکر دھماکا ہوا تاہم دھماکے میں ریلوے ٹریک محفوظ رہا۔ پولیس کے مطابق دھماکا ہینڈ کریکر کا تھا، دھماکے سے ریلوے ٹریک کو کوئی نقصان نہیں پہنچا۔
پولیس حکام کے مطابق دھماکے کی اطلاع ملتے ہی پولیس کی بھاری نفری اور کاؤنٹر ٹیررسٹ ڈیپارٹمنٹ (سی ٹی ڈی) حکام جائے وقوعہ پر پہنچ گئے تھے، شواہد اکھٹے کیے جا رہے ہیں۔
مزید پڑھیں
ایس پی (سی ٹی ڈی) کے مطابق دھماکے کے بعد ٹرینوں کو مختلف ریلوے اسٹیشنوں پر روک دیا گیا تھا تاہم بم ڈسپوزیبل اسکواڈ (بی ڈی ایس) عملے کی جانب سے ٹریک کو کلیئر قرار دینے کے بعد ٹرینوں کی آمد و رفت بحال کردی گئی ہے۔
سی ٹی ڈی حکام کے مطابق حالیہ دھماکا ایک کالعدم قوم پرست جماعت کے کارکنوں کی گرفتاری کا ردعمل بھی ہوسکتا ہے تاہم واقعے کی ہر پہلو سے تفتش جاری ہے۔
