’’حکومت الیکشن سے خوفزدہ ہے‘‘، عمران خان پرویز الہی ملاقات

چیئرمین پاکستان تحریک انصاف (پی ٹی آئی) عمران خان کا کہنا ہے کہ حکومت الیکشن سے خوفزدہ ہے۔ اس وقت حکومت پی ٹی آئی کے خلاف انتقامی کارروائیوں میں اندھی ہو چکی ہے۔

آج چیئرمین تحریک انصاف عمران خان سے مرکزی صدر تحریک انصاف چوہدری پرویز الہی کی زمان پارک میں ملاقات ہوئی ہے۔ ملاقات میں چوہدری پرویز الٰہی نے عمران خان کی رہائش گاہ پر پولیس آپریشن کی ایک مرتبہ پھر  بھر پور مزمت کی ہے۔

چوہدری پرویز الہی نے کہا کہ گھر کا گیٹ توڑنا غیر قانونی تھا، کارکنان پر شیلنگ اور ربڑ کی گولیوں کے استعمال پر انتہائی افسوس ہوا۔ انہوں نے کہا کہ گیٹ توڑ کر گھر میں زبردستی گھس کر چادر اور چار دیواری کا تقدس پامال کیا گیا ۔

زمان پارک میں عمران خان کی رہائش گاہ پر ہونے والی اس ملاقات میں سیاسی صورتحال اور عدالتی و عدالتی معاملات پر  بھی بات چیت کی گئی ہے۔