وزیراعلیٰ پنجاب مریم نواز شریف کی ہدایت پر پنجاب کے شہروں اور دیہات میں شروع کیے گئے فیلڈ اسپتال اور کلینک آن وہیلز سے روزانہ ہزاروں مریض مستفید ہورہے ہیں، کینسر، ٹی بی اور ہیپاٹائٹس کے مریضوں کو ادویات بھی ان کے گھروں پر ملنے لگیں۔
خدمت کا جذبہ ورثے میں ملا، مریم نواز
وزیر اعلیٰ مریم نوازشریف نے فیلڈ اسپتال اور کلینک آن ویلز پراجیکٹ کی کامیابی کے حوالے سے اظہار اطمینان کیا ہے اور کہا ہے کہ وہ پنجاب کے ہر شہری کو خوش، خوشحال اور صحت مند دیکھنا چاہتی ہیں، ہر سیکٹر ان کی ترجیح ہے مگر صحت کی سہولیات کی بہتری پر ان کی پوری توجہ ہے۔
مزید پڑھیں
مریم نواز کا کہنا ہے کہ شدید گرمی کے باوجود عوام کو گھر کی دہلیز پر علاج کی سہولتیں مہیا کرنے والے ڈاکٹرز اور اسٹاف قابل تحسین ہیں۔ ’فیلڈ اسپتال اور کلینک آن ویلز کے ذریعے ہزاروں مریضوں کے علاج کی سروسز خود مانیٹر کررہی ہوں، ہیلتھ ریفارمز کے ثمرات دیکھ کر عوام کی مزید خدمت کرنے کا جذبہ مزید تقویت پکڑرہا ہے۔
وزیراعلی پنجاب کا کہنا ہے کہ جہاں ہیلتھ سہولتوں کا فقدان ہے، اسٹیٹ آف دی آرٹ فیسیلٹی پہنچارہے ہیں، صوبے میں مراکز صحت اور اسپتالوں کی اپ گریڈیشن اور ری ویمپنگ جاری ہے، صوبے کا پہلا سرکاری کینسر اسپتال فنکشنل کرنے کے لیے اقدامات کر رہے ہیں۔
ان کا کہنا ہے کہ پنجاب کے ہر ضلعے میں مکمل کارڈیالوجی اور پیڈز بلاک بنانے کے پراجیکٹ پر کام شروع کردیا گیا ہے۔ ’خدمت کا جذبہ ورثے میں ملا ، اپنے عوام کے لیے ہر سہولت چاہتی ہوں۔‘
